خواطر قلم !!!

رسام برسم البسمة على العيون وبعيش القلوب فى فرح وشجون بضحك وبحاول ابعد عنى الهموم بخبى دمعة نازلة على خدى فى سكون بزرع محبة لكل شخص عرفته فى هاالكون برسم ذكريات مرت عليا وبلونها بأجمل لون حتى ولو كانت ذكريات مؤلمة وكلها هموم بمسك الريشة وبشكل بيها كل احساس مكنون عارف ان الدنيا فانية ومفهاش حظ غير ليوم ومتسواش لحظة ندم ولا خوف من المكتوب رسمت أمل على عمدان الزمن المجهول ونورت شمعة تنور كل باب مقفول وصنعت هدف ينمى كل العقول رسام من يومى وانا فى فنون بفنن الكلام علشان يكون موزون وبراعى احساسى الصادق لكل القلوب بكتب ابيات من عقلى الباطنى المولود مولود على فطرة الاسلام وعلى دين نبينا المحبوب بدعى ربى يهدينى ويهدى كل انسان له ذنوب ويرجعنا من تانى نمشى على سنة المحبوب رسام نفسى ارسم قلوب نقية بالفطرة زى قلب سيدنا محمد الى انقى من اللبن المحلوب هفضل ارسم وارسم لحد لما اشوف قلوب راضيه بالمكتوب وصادقة مع نفسها وتحاول تسعد الى حواليها من غير مصالح ولا محسوب رسام وطول عمرى برسم قلبى وقلبك وكل القلوب وهفضل ارسم وارسم لحد لما يحين المكتوب واللهم صلى وسلم على سيدنا محمد المحبوب ادخل ودوس ليك وشا...

بعد عنى وافتكرنى هنساه ده انا لو نسيته ما استحقش اهواه ازاى ما حسش بيا وبعمرى وياه وانا بقول بحبه قلبى بيتقطع من جواه هفضل احبه طول عمرى واملى فى لقاه وربنا عالم بحالى وانا بقول لله دعيته فى ليلة جميلة وقولت يارب اكون معاه وخلينى على باله وعايش فى دنياه ده انا واهب قلبى وعمرى ليه طول الحياه حبيته وبدارى وربنا عالم بحالى ده هو عمرى وليالى وليه اكون مثالى صابر على الايام جايز يحن قدام ومش هفقد الامل ولا هبطل احلام ده هو حب صادق ومش هيتكرر مرة كمان ازاى اسيبه يضيع واقول ده كان زمان بعد عنى وافتكرنى هنساه وازاى اعيش من غيره وهو املى فى الحياه ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

أنهاردة ليلة الامتحــــــــــــــــان ليلة هباب ومليانة كلها جنــان يا اما هيكرم فيها المرء يا اما هيتهان ليلة فيها من البرشام الـــــــــوان والى بيغشش هيكون راجل تمـــام والى يعملى فيها شريف ليلته هتكون قطران ديه ليلة العمر مش عايزين نضيعها كمان زهقنــــــــــــــا خلاص من الامتحــــــــــان وعــــــــــايزين نخلص منه من زمــــــان دماغنا بسببه اتحجرت وبقيت زى خشب الزان ولو ضربناها بالجزمة القديمة خلاص فات الاوان ربنا يكون فى عونا ونخلص من الامتحــــــان ابص فى ورقة الى جمبى الاقيها ابيض من لبن الاغنام اشوف الى ورايا يقولى ما تدينى اى عنوان يا خرابى امال انا هاخد من مين الامتحان مفيش فايدة خلاص نطلع ام البرشام لسة بنقول يا هادى كله هيكون تمام طلع لينا المفتش بيقول هخلى عيشتكم كلها الوان مش وقتك خالص يا الى عايز الضرب بالشمام خلاص هنرضى بالامر الواقع لان شكلنا هنتهان المهم انتم اخباركم ايه فى الامتحـــــــــان ان شاء الله كله هيكون تمــــــــام بس ادعولى وادعو لكل انســــــــــان بيمتحن ودماغه هتنفجر زى الالغام والسلام ختام طالب غلبان مــــــــــــع تحيــــــــــــات طالب كوول