خواطر قلم !!!

علق على شماعة الدنيا البوم ذكرى وكام برواز جرا شريط الوقت قصاده بيشوف فيه كام مرة فاز لقى حلمه مكنش فى يوم صفه ولا كان باين فى التلفاز ولا ليه لقطة جوه الكادر ولا محسوب بطل الاستاذ قفل الفلم وقفل الفديو ورمى عـ الشاشة طفاية ازاز نفث عن غضبه بعصبية وقام فارد عـ الكنبة جسمه وغمض عينه بكل هدوء وخلى النوم ليه احلى ملاذ ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

كان فاضل وقت قصير عـ الكتمان واصرخ واغنى واقول انا بيها هيمان واخرج من بير الضلمة للنور والألوان والوقت سرقنى وجيت اتكلم واغنى بحبى بدون مـ اتألم واعيش اللحظة فى عينها واسلم فاتفتحت ليا طاقة حرمان كان فاضل ثانية واكون غرقان لا انا غرقان غرقان فى الحب بدون مركب ولا بعرف اعوم ولا بتشقلب ولا شايف شط يكونلى امان وبأيدى بضبش فى كل مكان محتاج ايد تمسك فى ايديا وتشدها من بره الميه وتاخدنى معاها بالأحضان انا انسان كان دايما يحلم ولاعمره يحاول يوم يحزن لو جاله الحزن يكون فرحان ويبدل حزنه بسعادة ومع التكرار ديه بقت عاده صابر وفى صبره بيتمادى ومخلى تكاله عـ الرحمان كان فاضل ثانية ويبقى تمام لكن الدنيا بتتخابس بتخون وبتخدع وتعاكس وتخلى المظلوم يبقى مدان وفى ثانية تحس انها جنة وتعشم قلبك يستنى  وتمد ايديها عشان تدى تاخد منك من غير حسبان   كان فاضل وقت قصير وانسى اوام لكن الذكرى بتتسجل وشريط عرضها بيتأجل وهيجى اليوم والحلم يبان هفضل اتمنى ولا هسلم ولو اتأخر حلمى هكمل ولا عمرى هكون ندمان ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oa...

مشهد أول مرة يشوفها كان مكسوف باصص فى الأرض حاول عينه تتملى صورتها مشيت ومالحقش العرض ----- مشهد تانى كان بيدور على انسانة تشبه ليها كت امنيته لما يشوفها يجرى وتمسك ايديه ايديها ----- مشهد تالت جاب عنوانها وراح البيت يسئل عنها لمحت عينه طرف فستنها بس ماكنتش لوحديها ------ مشهد رابع مش متكرر كانت ماشية بأبتسامتها حاول انه يقرب ليها طلعت ماشية ويا خطيبها ------ مشهد خامس اخر مشهد كانت اخر مرة يشوفها حس بدقة غريبة فى قلبه ودمع العين نازل على خده قرر يمشى ويبقى لوحده واعتزل التمثيل بعديها ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

كام مرة قولتلك بحبك كام مرة صدقتى الكلام وبدل ما تيجى تطمنينى قفلتى بابك لى اوام مش بطلب انك تعشقينى ولا حتى تمسحى دمع عينى انا طالب انك تفهمينى واشوف فى عينك اهتمام عارف بأنى مش رومانسى ولا واد حِرك وانى منسى وبياع كلام ولا فيا نسمة مـ الوسامة ولا شعرى دهبى وفيه علامة واسمر بلون ظاهر يبان يمكن اكون طفل لعبى شايفك عروسة جوه لعبى وبحس وياها بأمان وبحس وياكى انى طالب عمال يلح بالمطالب ويخاف ليسقط فى الامتحان لو قولتلك صدقينى ان انتى جوه ننى عينى ولجل خطرك بكتبك شعر وقصايد تسعدك متلحنة بكل هيام كام مرة صدقتى الكلام طب حاولى تقرى بانسجام وغمضى عنيكى لثوان هتفهمى وتقربى لقلبى اللى ليك منبع حنان كام مرة صدقتى الكلام ولا حتى شوفت فرصة منك تطيبلى جراح الزمان وانا مستمر فى الكتابة ولا همل وهبقى صابر لحد ما تحسى الكلام ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

طول عمرى تايه فى بحور الحب وبكون غريق فيه انا لوششتى وبحس انى فى الحنين دابل مغصوب عليا اللى مكتوبلى وبحاول اكسر كل باب مقفول وابنى بأيدى طريق يكون ممدود علشان يوصلنى لمحبوبتى ماشى فى طريقى وحسن ظنى معاه رب اللى سوانى زى خلق الله فى الحلم يحمينى وبيصونى قابل بكل ما يرضيه راضى ببعد حبيبى رغم انى شاريه واللى كاتبهولى ده محسوبلى بدعى بأمنية بتسكن بالى واكتبها غنية بتوصف حالى يجمعنا انا وهو لأحلى حياه ويحس ويايا بفرحة عيد يتهنى بهنايا ويبقى سعيد وفـ كل ايامنا يكون فيه جديد بدعيه ونفسى انه ينصفنى طول عمرى تايه نفسى الاقى دليل بتفوت سنين والحلم فى تأجيل واصبر وبرضى باللى مكتوبلى ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

كركبة جوه المواقف والحوادث  ميت حوار والناس تقول وتعيد تذيد  على اللى صار وعلى المساطب والقهاوى  كلام كتير ده فلان عمل وفلان ملوش فى اى خير وتلاقى ميت مليون قرار وده فهم وجهة نظر والتانى مافهمش اللى دار واللى بينقل الكلام بيغنى بيه ويألف الغنوة اللى تخرب الديار والسربعة فى رد السؤال ولا الندم على اللى قال ينقل كلام من جار لجار كراكيب بتوجع الدماغ ودوشة من كتر الكلام ويطلع الحوار حوار ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

اخترتى العزلة بين قضبان ومشيتى بدون حتى استأذان ورفضتى الغنوة اللى بتندهلك وبتحتاج يوم فيه تكون جمبك وبإحساسك وبأحلامك تنسج انغام انا رافض اقول انى  هيمان او حتى فى قلبى ذرة ايمان علشان الحلم بدون حلمك ملهوش ولا طعم ولا بيبان انا انسان ميت من جواه وبيطلب رحمة من مولاه يهديه كل اللى بيتمناه وانا راضى بأى قدر وياه اخترتى بأيدك تبقى بعيد والقلب لقلبى لسة عنيد منطوية وقافلة الباب بحديد ولا شايفك ولا حاسس بجديد خلى فى بالك الحب بأيدك اصبح شايب ومريض ونهاية الاهمال حالة حرجة ولا ينفع وياها تمرجى ولا حتى طبيب واليوم هيعدى وهتقولى لو كنت سامحتله بشعورى وسمعت كلام كان قالهولى كان يحصل ايه؟؟؟ وهتفضلى دايما تتسألى وتقول ده كان شارى قلبى وبأيدى جرحته وذاد جرحى لكن ده كله هيفرق ايه؟؟؟ ما خلاص الوقت اوام عدى والفرصة فاتت بمعدها وساعتها هيبقى شعورك ايه؟؟؟ دلوقتى الفرصة اهى فى ايدك وبمد الوقت بمواعيدك افتح باب قلبك لحبيبك ولحد الان انا لسة شاريك لكن ما اقدرش اوعد تانى على بكره عشان بكره عمانى ما اعرفش بكره هيحصل ايه انا سايب بكره لظروفه ولرب الكون اللى يشوفه ودعايا فى ركعته وسجوده يجمعنا...

الحلم بيبدأ من فكرة والفكرة بتبدأ مـ التفكير والفكرة عشان يوم فيه تبقى محتاجة عزيمة وتصميم ومحاولة كتيرة مش مرة لو مرة فشلت فعدها كتير لو مش هتصدق قوم اقرأ عن واحد ناجح كشكسبير هتلاقى بدايته كانت فاشلة والكل محاربه بدون تبرير وبرغم انه فى حلمه لوحده شجع نفسه واداها تقدير وفى غيره كتير ياما اتألم واتعود حلمه على التأخير لكن بالله بيحسن ظنه وبيسعى وربه عليه التدابير فنجاحك دايما بإرادتك وايمانك ان الجى يسير وردود افعالك فى المحنة وحمدك للى بأيده الرحمة ولتحقيق حلمك قادر وقدير ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater