خواطر قلم !!!

الأيام نفس الأيام ما بتتغيرش !!! وزمان يشبه الحال الأن ماتستغربش !!! اللى بيتغير هو احنا  بنعيش نتعلم مـ الايام  والايام ماسكة الخرزانة  وبتلسع كل واحد فينا  معلومة بجرح .. والعمر يقل بفعل الطرح .. وادينا ماشين  بنقابل ناس اكبر منا  مرت ايامهم زيينا  بيحاولوا يفتحوا عنينا  على اى جراح يوم هتجينا بيمتعنا كلامهم جدااا لكن فى سعاتها ما نتأثرش !!! ما نحسش بالحاجة الا اما  ما تضيع من ايدنا  وقتها بنقول لو كنا ساعتها  منتأخرش .. قبل العشرين كان نفسى اكبر اليوم كان اطول من دلوقت .. كان نفسى اخرج من طوع امى  كان نفسى يسرع يومها الوقت .. عدى العشرين وكمان خمسة  عدوا فى ثوانى وغمضة عين ..   حسيت ان العمر قصير ويادوب الشهر حسابه يومين .. واليوم بيفوت قبل الساعتين ..  ............loading ............ #لسة_ليها_تكملة #انتظروها_فى_الديوان  ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

على قد ما اتعلمت  كان الألم اكبر ... خسرونى ناس ياما  ولحد يومنا الان  ما اعرفش انا خسرتهم  ولا ده متقدر ... القلب الابيض شاب والحزن كان غلاب  والفرح مستنظر ... القلب لو قاسا  شايل امل بكره وبريقه كالماسا بيصون معاه الذكرى وسنينه مهما تفوت  القلب مش مكبوت  شال الحمول برضاه  وافى وعمره ما خان  بيحب ولا يكره ... ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

عن فرحة بتصرخ تتألم من كتر الجوع .. اصل انا موجوع .. الفكرة مش الحزن قريب .. الفرح اللى بيغيب اسبوع .. اسبوع بيعدى وراه اسابيع .. وشهور وسنين وياه بتضيع .. والحلم يضيع .. والحزن ملوش صوت مسموع .. اصلا فى الاخر كله نصيب .. وانا عارف ان نصيبى جايلى .. لكن اللى بيجرح ويصيب .. بتبرر افعالهم دايما .. وشايلهم على طول فى الننى ..   بتعطل احلامك الجايه .. بتوقف وياهم الايام .. عشمان عاصى يخش الجنة .. وعمره ما تاب فى الايام .. الايام هتعدى وتنسى .. اصلا طبع البشر النسيان .. الفرحة بتتأخر دايما .. علشان بأيديك ماسك الاحزان .. ارمى ورا ضهرك الماضى .. غمض عينك وادخل فى النوم .. وبعد ما تصحى تفتح عينك .. هتلاقى الفيلم ماكنش ليه لزوم .. وهتلاقى فيلم جديد خالص .. بسيناريوا جميل مليان افراح ..    ومافيهش هموم .. ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

قلبك عجز .. ‏ روحك بتنازع ملك الموت ..‏ ‏ فى الاوضة ومن فوق تسريحتك ..‏ ‏ فيه شيئ مخفى ..‏ ‏ عمال يشاورلك فى مرايتك ..‏ ‏ وبيصرخ من جواها بعلو الصوت ..‏ قلبك متسارع نبضاته ..‏ ‏ عمال بيسرع ويسرع..‏ ‏ شكلك هتموت ..‏ و‎ ‎بيسئل على كل عمايلك ..‏ مين قبل ما تقفل باب اوضتك ..‏ ‏ كنت مخاصمه‎ ...‎ ‎ ‎الذنب اللى بتخفيه دايما ..‏ ‏ كان فوق طاقته ..‏ فـ هتعمل ايه ؟؟ !!‏ قلبك مسكين !!‏ محتاج برشام فيتامين ..‏ ‏ ومسكن بالغ الدرجة ..‏ ‏ من كتر جراح البنى ادمين ..‏ ‏ الغنوة اللى فى طرف لسانك !!‏ ‏ لسه ما كملتش ..‏ ‏ ايه اخر سطر هتكتبه ..‏ ‏ بتقول معلش !!‏ ‏ معلش لمين ؟؟ ‏ فيه ضوء خافت ..‏ ‏ شبورة بتنزل قدامك .. ‏ والعين بتغير الوانها..‏ ‏ وشريط الماضى قدامك .. ‏ عمال بيكر ..‏ ‏ ريقك بقى مر .. ‏ طراطيف رجلك ساقعة من البرد ..‏ شكل الروح لمت دفاترها ..‏ ‏ بتطلع منك ..‏ ‏ لسة فى لسانك كام كلمة ‏ ‏ ساكتة ومحبوسة ..‏ ‏ ليه بعنيك بتبص فى ساعتك ..‏ مافيش وقت ...‏ ‏ لساك متردد تنطقها !! ؟؟‏ هتموت دلوقت ..‏ ‏ لساك متمسك بعنادك !!‏ ‏ ملك الموت واقف قدامك ..‏ عمال يضحك ..‏ فى حجات بتطير حوالين منك ‏ شكلها...

الذكريات مصورة كل الوشوش لناس ما بينا لسة حاضرة  وناس ماجوش حافظينها فى شوية ورق لجد مات على السرير  نفس السرير طفل اتولد لسة الورود الطارحة  ماخلصوش اضحك عشان الصورة  تطلع حلوة  والصورة فعلا فيها بسمة  لكنها كدبة وفشوش ---------- البوم يأكد اللى فات  البوم بيمضيه اللى جى  والحلم لسة ما انتهاش  الحلم طول الزمن حى  لسة الجدور نابت وراها الف غصن  لسة الغصون ضامة ورود  لسة الورود فيها ميت ضى ------------- نفس العيون نفس الخصال نفس الشعور بالإندثار نفس الغرور نفس المحبة  نفس التجارب والقمار  ورهان بيخسر فيه الجميع  قبل النهاية والإنتصار  ------------- البوم بيحكى عـ الوفاء (1) البوح بيحكى عـ الجحود (2) نفس الصور نفس العداء ( 2 ) نفس المحبة والعهود (1) تكرار سخيف مالى حكايات ( 1 , 2 ) وسناريوا جيد الأداء  نفس الأداء عليك يعود ---------- الذكريات اشباح مطاردة  كل واحد مننا افعالنا كانت ذنب مخفى ظهرت نهاية عمرنا اشباح بت...

عن الشلة اللى واحشانى‎ ‎‏ ‏ عن الصحبة اللى ياما كتير شالت بأيديها احزانى وعن قعدتنا فوق السُطح تسالى وسهرة كت للصُبح عن الفرحة بجون فيفا وعن ضحكة وحجر شيشا واول شدة لسجارة ولعب الكورة فى الحارة ‏--------‏ عن الذكرى اللى سايبانى ولا بقدر فى يوم اسيبها عن اللهفة لسماع ستى وهى بتحكى حواديتها عن الشخطة اللى من امى وانا عامل فيها نايم عن الدمعة اللى بتزورها وابويا فى السما دايم عن الضحكة اللى سارقاها ‏ تصبر بيها ايامها عن الفرحة اللى حايشاها تشوف احلامنا احلامها انا واخويا شقاها العمر هنفضل تحت اقدامها ‏----------------‏ عن العيلة وعن الخالة والخال وعن ايام عاشت بينا  واحساسنا عال العال كيان كله كيان واحد  بيفرحوا وقت ما بتفرح واحزانك بأيدهم سهل تنشال  عن العيلة اللى مهما ابقى متغرب بتبقى اغلى مـ المال ------------------- وعن ايام طفولة فاتت وإحساسى انها ماتت بتيجى سعات على بالى بلاقى دمعى على خدى بينزف رأفة على حالى ‏------------‏ وعن بوجى وعالم سمسم وغنوة تقول انا الفرخة :)‏ ومبحبش أزأز لب :)‏ انا عندى اقرا مجلة ‏ او ارسم زى م...

كالعادة وفى ذات الوقت  بخضع بقبول لمعانى الحزن  برجع وبغير فى التخطيط  وبحاول ابان فى الحزن شديد وبلون وشى بلون الفرح وسعات من كتر ما بدَّاعي بتجينى لحظة ما بساعي وبرجع اكتم واخبى الرد صدقنى سكوتى مش معناه رفض ولا حتى كلامى بيدل قبول  ده سعات الصدمة اما بتيجى خبط  تظهر كلمات مليانة زور فيها ايه لما اكتب ليها كذا خط  ملهمش معانى ولا دور  اهى حاجة بتشاور على حاجة  وكأنها شايفه المستور  ارمى الاحجار واقرا الفنجان  دورك بكره هيكون محذور  كالعادة وفى ذات اللحظة  محتاج دلوقتى ابقى لوحدى  لا انا محتاج حد اشكيله  فيها ايه لو اروح للدكتور ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

بيننا اعوام دهرٍ كاملِ يا هل ترى سيعود يوم للقاء ام يبقى سهم الغدر قائمًا سهم الزمان يدنوا نحونا يجتاح غضبًا شائطًا قد مر قوم ها هنا يومًا ذات اللقاء قد مضى ذات الخوف المكنون يعود بنا الزمان لأعوام تتكرر المأساة و الآلام وكلاً منهم يقول يا ليتنى ولكن ... فات الزمان .. وقد مضى ... يا هل ترى سنكون يومًا مثلهم نبكى فى سجن الأحزان نشتاق الى يوم مثل الآن لا أدرى أنا ... فى القلب إيمان أننا سنعود يومًا للقاء وسنرسم الأحلام تخلو من الشقاء سنعود يومًا إنما ... يبقى السؤال متى وكيفما... وللجواب يجب علينا الإنتظار لكن كيف سيفيد ذلك والعمر يجرى كالقطار كيف سيفيد الانتظار وتحقيق ذلك يلزمه قتل خوفنا وزرع الثقة بيننا والإيمان بأن ما بيننا حلم ستكتبه الأقدار ربما ليس الآن ربما بعد أعوام لكن ... يا هل ترى .. شغفنا سيزيد أم سيهرم وسنكون فى منتهى عمرنا وسيطرق ناقوس الإنذار ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

ومكنش فى نية خداع  كان ذنبه فعلا حبها فعلا حقيقى قبلها  لف ودار  سرق الزمن اجمل لياليه  والحزن قرب يغلبه  قاوم بأيده كل شيئ  رسم الطريق فتح عيونه وكان برئ اتعلم الدرس اوام قفل البيبان لكل شيئ  وكان فى صدمة زيها ايه اللى كان  الدنيا ماشية وده الزمان  واقفة الحياة ليه عـ اللى فات  حتى اللى فات  كل اللى فات  بأيديه قتلها وهدها قرر يعيش  قرر يوزع فرحته على اللى ليه قرر يداوى كسرته من اللى فيه عارف حقيقى اذاى ده حبك  عمرك سئلت وقولتله ؟؟؟ قولت انه كان مغرور كتير !!! مع انه كان شايفك جميل حاول يبين علته  حاول يبين هو مين قالت بصوتها انا عارفة مين  انا شوفت كله فى الودع  ورميته على الأرض وقريت  انا عارفه عنك كل شيئ  سكت الكلام  حاول يبين إهتمام  راح قالها طب عارفه ايه ؟؟ !! سكتت وراجعت نفسها  ووقتها قرر يعود ويقولها  انه حقيقى حبها  رغم القسية اللى فيه  كان زيه زيها خايف كتير من اللى جى...

ليه فى كل مرة ابدأ يتولد جوايا خوف لو حقيقى الحلم ابدا واجب اعافر الظروف اللى اخاف يكون خسارة‎ ‎ واللى شايف فيه مرارة‎ ‎ واللى مش حاسس حقيقته‎ ‎ التجارب بيها اشوف احلى من طعم المغامرة ‏ خوض حقيقى للأكتشاف فيها ايه لو مرة سمرا ‏ ومره لونها لون شفاف اللى يقتل المؤامرة ‏ المواجهة والإنكشاف ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

جربت تعيش دور غير دورك وتحس معاه إنك فرحان جربت تهاجر أحبابك وتشوف غلاوتهم سعرها كام وغلاوتك وقتها وسطيهم ليها قيمة ولا ملكش بيان جربت تحبها وتصاحب وتوزع حبك بالمجان جربت الحيرة تمتلكك ولا تقدر تفهم العنوان جربت تنوع رغباتك تتلاعب تلوى حركاتك وتحب شوية هدى واحلام دايما بتبررها لنفسك وتلوم غيرك انه ينافسك ولا قلبك قادر على الرسيان جربت انها يوم تكتشفك واما اكتشفت هجرت قلبك حسيت وقتها انك ندمان الحاجة قيمتها مش باينة لما تضيع منك تظهرلك وساعتها بتفهم العنوان ونصيحة تحفظها ودانك لو حلمك تحفظ احلامك القدرة بتولدها الرغبة والرغبة ناتجها إيرادة مش خوف وهروب ولا اى كلام ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

وسط الدولاب حبت ورق‎ ‎ نوتة وتدوينة قلوب‎ ‎‏ <‏‎3‎ والذكريات وسط الزمن‎ ‎ بهتت وصبحت شيئ مذوب حرفين ما بينهم قلب فاضى <‏‎3‎ من وقت لما حبها‎ ‎ ظهرت كتاباته للوجود خلقت بروحها ضحكته ‏‎:D‎ سرقت مشاعره للخلود فتحت بحب سكته ‏ فرشتله الأرض ورود‎  ‎‏ <‏‎3‎ كان كل همه يقولها ‏ يوصف مشاعره عنها ‏ يحكى يطول فى الشرود‎ ‎ الوقت بينهم كان سريع ‏ اسرع من الريح والبرود حاول يطول فى الكلام ‏ ويدوب بيوصف قلبها ‏ خافت فنكرت حبها ‏‎:(‎ دبحت حنين ناوى يتوب عارف مكنش قصدها ‏‎:(‎ القصة جرحى جرحها ‏ كل البشر فيها ندوب‎ :(‎ ‏ برائتها ما اتشاف زيها ‏ وعيونها زاهية بحلمها وقلبها ابيض يجود واللى فضلى منها ‏ صورة بأيدى رسمتها ‏ مكتوب عليها بحبها ‏ ونوتة حمرا باسمها ‏ وحبت ورق فوق الرفوف ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

عمر ما الغرور مالكنى  ولا جيت على حد يوم  بس انا معذور فى بعدى  نفسى ننسى اى لوم  ايوه انا محتاج لقانا  وانت اكتر منى فيه  كبريائنا كان شقانا  والسبب الخوف ماليه لو هنبنى سدود بخوفنا  لو هنكسر كل شوقنا  لو هنظلم يوم هوانا  يبقى موتنا راحة ليه  التقانا مكنش صدفة  والغرام ماهوش حرام  فرق توقيتنا وظروفنا  مش خطيئة ولا إجرام  لو نسلم ننسى خوفنا  وننسى بكره جى ايه  نرسم الاحلام بأيدنا  ابتسامتى فى ايديه  لو حقيقى ماهوش شايفنى  لو حقيقى كان عارفنى   ما يصارحنى ابقى ايه ؟؟!! ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

شايف حنينك محتمى ورا الف سور حاسس مشاعرك عمرها ما كانت غرور فى سد بينا إنما فى الف نور فى لحظة حلوة عشتها فيها بذور على قد ما اقدر هرسمك شكل الزهور انت الحقيقة والجمال انت الجدور انتى اللى أولى اسكنك أجمل قصور رغم ان بينا خوف كبير من شيئ ماهول انا لسة عندى الأمل أن انت قلبك محتمل يبقالى ضلالة وحضن واكونله دايما السند وتكون حياتنا وحلمنا ماليها السرور رب اللى عالم ان مش جوايا زور وانتى اللى بأديكى تواربى البيبان وتفتحى قلبك وترمى السلام حاولى فى عينى تقربى وتقرى الكلام حاولى بمشاعرى تجربى تحس اهتمام يمكن تلاقى الأمل اللى فى عنيا ويكون فى ايدك زى ما كان فى ايديا يمكن تشوفينى بعين الحبيب يمكن تحسينى بقلب يكون قريب يمكن ولا شيئ مـ اللى فات بس الأهم تكون حاولتى تقربى مش خوف بيقتل اللى بينا وتهربى رغم اللى حاسه مـ الظنون ومن الألام لسة مشاعرى ذايد فيها اهتمام بس انت حاولى تقربى تواربى البيبان   ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater