خواطر قلم !!!

 جوه الأحداث المتشابكة الغاز وحوارى وتعابين  بنلف في دايرة مقفولة زى الفار المحطوط في كمين من صنع و خبث البنى ادمين  برجع بشريط الايام  افتكر اللى خسرته طفولتى  وقتها عمرى ما قلبى اتخان وحبيت الوحدة من صغرى   يمكن من رهف الإحساس  خلانى  بالخوف  ضليت  او يمكن موت ابويا فجأة  خلالى ظهرى مكشوف للناس  وخدعنى كابوسهم وسهيت .. قربت شوية بشوية  ولقتنى بسرعة اتشديت  بيقولو اللى يحب لا يكره على عينى غشاوة فعميت من دايرة لدايرة وانا ماشى  سلمت نفسى لاحساسى  ومن ظلم الناس ياما قسيت جوه الاحلام كان في كابوس  الخلق جعانة وبتدوس  على اقرب ناس كانت ليها  جوه الأيام كان في دروس  السهم الغادر بالبوص هيصيبك من خلق شاريها جوه الاحداث المتشابكة  الغاز وحوارى وتعابين  والدايرة لو كت مقفولة  انا خارج منها ومش ندمان  ولا حتى حزين ...

فى قلب الميه اسرار وفوق الصخرة اشعار هموم الخلق متحاشة فى قلب الميه متشافه وموج البحر مش صافى  وقالب وشه على المكشوف سعات البحر عكس الشوف  ووسط الميه غدر وخوف وليه الخلق بتعانى من الوحدة  وبتعانى فى وسط الناس قناعة قلبنا سحلة  ورافضة تعيش بدون احساس ما بين اليوم وبين بكره غراب طاير فوق البساتين  بينهش كل ما يقرب بيجرح طرف منقاره  ورود فى الطين سحابة يومنا هتعدى  جراح القلب بتودى على المجهول ودايرة بكره بتعيد اللى فاته الدور  متزعلش انه مش شايفك  ومش قادر يكون جمبك  سعات القطر بيفوت محطاته  بدون ما يزور  بيشكى همومه للميه  وامله الميه يوم تداويه  فى قلب الميه اسرارها  وزاد فى صخورها سر خفيه

كل السطور دايبة  والحلم كان كداب .. اولها ناس سايبة  واخرها لوم وعتاب .. شط الأمان ضايع  والبوصلة فين تاهت  مركب أمل ضاقت  غرقانة فى زمنها  ساكنها غول ودياب .. والريح مكدبهاش  والرعد مش سامح  ضرب الشراع فأندلع  هز الدراع فانخلع  والموج اخدنى وغاب .. الخلق قدامى ولكنى متغرب  كل النفوس شابت وعيون بتتمرد  ومافيش شبع له ذاد .. كاس الزمن مليان ولكنه مش كافى  حب البشر متهان  طمع النفوس ذاتى  محسوبله الف حساب .. موال ومتكرر كتب التاريخ بتقول  أفعال وبتصور  نفس اللى كان بيدور  والمايلة مين يقدر  يرجع ويعدلها  ترجع تميل تانى  مهما تقوم وتثور  كل السطور عايبة  كل الكلام معسول  نفس البشر خايبة  بتأدى نفس الدور ..

صوت الضمير بيأن مـ العتمة جوه الناس .. مشوار طويل جداا محتاج ايديك بالفاس .. الأرض مشتاقة تنزفها بعروقك النخل كان واقف من قوة فى جذوعك والغرسة بذرتها من شيئ فوق الإحساس .. لما ارتوت ذادت من بور لزرع وطين من حلم كان ميت كت جنة فيها نعيم من اللى فضى الكاس ؟؟ كان كله بيشوار على زرعة فى ايدينا مستكترين فرحة كت جوه فى عينيا قلب انفطر جايز من عمر مش محسوب إحساس بيقتلنى كان مخفى تحت الخوص مين اللى بدل حلم ؟؟ بورق صبح مقصوص بعد اما كان له أساس !! وسط الطريق زحمة فتاهت خطاوينا !! مين اللى قسمنا !! ووزع غناوينا موال مهوش مكتوب صوت الضمير بيأن من زيف صبح ساكن جوه قلوب الناس ..

وبحكم الوقت الضايع بطلت احسبها بكام ؟؟ ضيعت عمرى عليكى ولا مرة شعورك بان .. ضميتك كنتى فى ريحنا  إحساسك تاه فى المحنة وطلعتى من الأوهام .. دورت ياما عليكى علشان امسك فى ايديكى وارسم بيا وبيكى الباقى من الأحلام .. أنانية غرورك قاتل وضميرك مخفى بساتر وعيونك ياما بتخدع وحنينى ليكى اتهان .. حظك مبقاش فى ايديا ونصيبك داب فى عنيا بسئل ليه بتلعبى بيا حلمنا فى عيونك هان ؟؟ وبحكم الوقت الضايع مبقتش كتير أتكلم ولا عمرى حسبتها كام !!

ما بقتش تآمن وتصدق  بكلام الخلق المتزوق الوان .. افعال بتناقد اقوالها  وخيوط بتقطع اوصالها  واللى اتبقالك اوهام .. مبقاش فاضل من ايامك  غير حمل بيرجع فى منامك  بتشوف وياه زيف الدنيا  وحقيقة عالم الانسان.. ‏

ما بين كل القلوب المغرمة احلام بترسم عمرها .. كان الطريق مرسوملهم  وسط الضباب .. والضلمة كانت نور فى عيون كل الشباب .. ايادى كت متشبكة ومتبتة توصل لابعد م الفضا رغم الصعاب .. بذرة امل يوم ما اتولد بدمهم شئ من تراب .. وبحس واحد ينطقوا ان اللى بينهم مش سراب .. كبر الأمل واتفتحت كل الورود داب الألم والغصن شد بأقوى عود لما ارتوى بدمهم طال الضباب .. اتفتحت كل الزهور من نبعها واتبدلت من ارض بور لوردها بستان يخلى الليل نهار .. بدأت أيادى غريبة تقطف وردها من غير ما تروى جذرها ووقتها دبل الأمل والغصن مال تحت المطر تحت الرياح فوق الرمال ماتت الأزهار .. شاب الأمل قبل الاوان والأرض رجعت ارض بور من بعد ما كانت بستان .. وعشان تعود والعود يعود محتاجة ترجع تتروى بدمهم محتاجة من تانى تكون فى حضنهم محتاجة جو من الأمان .. ‏ ‏

ما بين بكره وبين أمسك خطوط حمرا وجبل أعذار ..   وحمل كتافك المايلة   مقابل حلم كان مكار .. وفكرك ايه يعود تانى !! زمن فانى قوى و غدار .. ما بين كل السكك زحمة   وقلب الخلق مفوش رحمة   ووسط الناس غريب الدار .. وتحزن ليه ماهوش فارق   تقابل خلق بتفارق   حدودك وسطهم فارق   ما بين بكره وبين امسك   دليل إنذار.. وناى مشروخ بيبكيلك   وغنوة خوف بتشكيلك هروبك م اللى باقيلك   بعتلك صك فيه إخطار .. ما بين يومك وبين أمسك دليل غربة مع الأحباب   بنتقابل فى ساعة تمر فى ثوانى هجرنا بيوت بنبنيها   كانت يوم فيه بتجمعنا بقينا بعاد .. وداب الحلم بإيدينا   وخوف من بكره يمنعنا   نعدى الصعب وأحنا شباب .. ما بين بكره وبين امسك   عيون بتفتت الرحلة   تغير كل خط السير   تلف فى دايرة مقفولة   تضيع اللى كان يحلى .. ماعدش الجى افراحك عشان تفرح وضاع الوقت فى براحك بقيت تسرح وم المجهول بقيت خايف   وم المعمول بقيت خايف   ما بين يومك وبين امسك س...

الأيام نفس الأيام ما بتتغيرش !!! وزمان يشبه الحال الأن ماتستغربش !!! اللى بيتغير هو احنا  بنعيش نتعلم مـ الايام  والايام ماسكة الخرزانة  وبتلسع كل واحد فينا  معلومة بجرح .. والعمر يقل بفعل الطرح .. وادينا ماشين  بنقابل ناس اكبر منا  مرت ايامهم زيينا  بيحاولوا يفتحوا عنينا  على اى جراح يوم هتجينا بيمتعنا كلامهم جدااا لكن فى سعاتها ما نتأثرش !!! ما نحسش بالحاجة الا اما  ما تضيع من ايدنا  وقتها بنقول لو كنا ساعتها  منتأخرش .. قبل العشرين كان نفسى اكبر اليوم كان اطول من دلوقت .. كان نفسى اخرج من طوع امى  كان نفسى يسرع يومها الوقت .. عدى العشرين وكمان خمسة  عدوا فى ثوانى وغمضة عين ..   حسيت ان العمر قصير ويادوب الشهر حسابه يومين .. واليوم بيفوت قبل الساعتين ..  ............loading ............ #لسة_ليها_تكملة #انتظروها_فى_الديوان  ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

على قد ما اتعلمت  كان الألم اكبر ... خسرونى ناس ياما  ولحد يومنا الان  ما اعرفش انا خسرتهم  ولا ده متقدر ... القلب الابيض شاب والحزن كان غلاب  والفرح مستنظر ... القلب لو قاسا  شايل امل بكره وبريقه كالماسا بيصون معاه الذكرى وسنينه مهما تفوت  القلب مش مكبوت  شال الحمول برضاه  وافى وعمره ما خان  بيحب ولا يكره ... ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

عن فرحة بتصرخ تتألم من كتر الجوع .. اصل انا موجوع .. الفكرة مش الحزن قريب .. الفرح اللى بيغيب اسبوع .. اسبوع بيعدى وراه اسابيع .. وشهور وسنين وياه بتضيع .. والحلم يضيع .. والحزن ملوش صوت مسموع .. اصلا فى الاخر كله نصيب .. وانا عارف ان نصيبى جايلى .. لكن اللى بيجرح ويصيب .. بتبرر افعالهم دايما .. وشايلهم على طول فى الننى ..   بتعطل احلامك الجايه .. بتوقف وياهم الايام .. عشمان عاصى يخش الجنة .. وعمره ما تاب فى الايام .. الايام هتعدى وتنسى .. اصلا طبع البشر النسيان .. الفرحة بتتأخر دايما .. علشان بأيديك ماسك الاحزان .. ارمى ورا ضهرك الماضى .. غمض عينك وادخل فى النوم .. وبعد ما تصحى تفتح عينك .. هتلاقى الفيلم ماكنش ليه لزوم .. وهتلاقى فيلم جديد خالص .. بسيناريوا جميل مليان افراح ..    ومافيهش هموم .. ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

قلبك عجز .. ‏ روحك بتنازع ملك الموت ..‏ ‏ فى الاوضة ومن فوق تسريحتك ..‏ ‏ فيه شيئ مخفى ..‏ ‏ عمال يشاورلك فى مرايتك ..‏ ‏ وبيصرخ من جواها بعلو الصوت ..‏ قلبك متسارع نبضاته ..‏ ‏ عمال بيسرع ويسرع..‏ ‏ شكلك هتموت ..‏ و‎ ‎بيسئل على كل عمايلك ..‏ مين قبل ما تقفل باب اوضتك ..‏ ‏ كنت مخاصمه‎ ...‎ ‎ ‎الذنب اللى بتخفيه دايما ..‏ ‏ كان فوق طاقته ..‏ فـ هتعمل ايه ؟؟ !!‏ قلبك مسكين !!‏ محتاج برشام فيتامين ..‏ ‏ ومسكن بالغ الدرجة ..‏ ‏ من كتر جراح البنى ادمين ..‏ ‏ الغنوة اللى فى طرف لسانك !!‏ ‏ لسه ما كملتش ..‏ ‏ ايه اخر سطر هتكتبه ..‏ ‏ بتقول معلش !!‏ ‏ معلش لمين ؟؟ ‏ فيه ضوء خافت ..‏ ‏ شبورة بتنزل قدامك .. ‏ والعين بتغير الوانها..‏ ‏ وشريط الماضى قدامك .. ‏ عمال بيكر ..‏ ‏ ريقك بقى مر .. ‏ طراطيف رجلك ساقعة من البرد ..‏ شكل الروح لمت دفاترها ..‏ ‏ بتطلع منك ..‏ ‏ لسة فى لسانك كام كلمة ‏ ‏ ساكتة ومحبوسة ..‏ ‏ ليه بعنيك بتبص فى ساعتك ..‏ مافيش وقت ...‏ ‏ لساك متردد تنطقها !! ؟؟‏ هتموت دلوقت ..‏ ‏ لساك متمسك بعنادك !!‏ ‏ ملك الموت واقف قدامك ..‏ عمال يضحك ..‏ فى حجات بتطير حوالين منك ‏ شكلها...

الذكريات مصورة كل الوشوش لناس ما بينا لسة حاضرة  وناس ماجوش حافظينها فى شوية ورق لجد مات على السرير  نفس السرير طفل اتولد لسة الورود الطارحة  ماخلصوش اضحك عشان الصورة  تطلع حلوة  والصورة فعلا فيها بسمة  لكنها كدبة وفشوش ---------- البوم يأكد اللى فات  البوم بيمضيه اللى جى  والحلم لسة ما انتهاش  الحلم طول الزمن حى  لسة الجدور نابت وراها الف غصن  لسة الغصون ضامة ورود  لسة الورود فيها ميت ضى ------------- نفس العيون نفس الخصال نفس الشعور بالإندثار نفس الغرور نفس المحبة  نفس التجارب والقمار  ورهان بيخسر فيه الجميع  قبل النهاية والإنتصار  ------------- البوم بيحكى عـ الوفاء (1) البوح بيحكى عـ الجحود (2) نفس الصور نفس العداء ( 2 ) نفس المحبة والعهود (1) تكرار سخيف مالى حكايات ( 1 , 2 ) وسناريوا جيد الأداء  نفس الأداء عليك يعود ---------- الذكريات اشباح مطاردة  كل واحد مننا افعالنا كانت ذنب مخفى ظهرت نهاية عمرنا اشباح بت...

عن الشلة اللى واحشانى‎ ‎‏ ‏ عن الصحبة اللى ياما كتير شالت بأيديها احزانى وعن قعدتنا فوق السُطح تسالى وسهرة كت للصُبح عن الفرحة بجون فيفا وعن ضحكة وحجر شيشا واول شدة لسجارة ولعب الكورة فى الحارة ‏--------‏ عن الذكرى اللى سايبانى ولا بقدر فى يوم اسيبها عن اللهفة لسماع ستى وهى بتحكى حواديتها عن الشخطة اللى من امى وانا عامل فيها نايم عن الدمعة اللى بتزورها وابويا فى السما دايم عن الضحكة اللى سارقاها ‏ تصبر بيها ايامها عن الفرحة اللى حايشاها تشوف احلامنا احلامها انا واخويا شقاها العمر هنفضل تحت اقدامها ‏----------------‏ عن العيلة وعن الخالة والخال وعن ايام عاشت بينا  واحساسنا عال العال كيان كله كيان واحد  بيفرحوا وقت ما بتفرح واحزانك بأيدهم سهل تنشال  عن العيلة اللى مهما ابقى متغرب بتبقى اغلى مـ المال ------------------- وعن ايام طفولة فاتت وإحساسى انها ماتت بتيجى سعات على بالى بلاقى دمعى على خدى بينزف رأفة على حالى ‏------------‏ وعن بوجى وعالم سمسم وغنوة تقول انا الفرخة :)‏ ومبحبش أزأز لب :)‏ انا عندى اقرا مجلة ‏ او ارسم زى م...

كالعادة وفى ذات الوقت  بخضع بقبول لمعانى الحزن  برجع وبغير فى التخطيط  وبحاول ابان فى الحزن شديد وبلون وشى بلون الفرح وسعات من كتر ما بدَّاعي بتجينى لحظة ما بساعي وبرجع اكتم واخبى الرد صدقنى سكوتى مش معناه رفض ولا حتى كلامى بيدل قبول  ده سعات الصدمة اما بتيجى خبط  تظهر كلمات مليانة زور فيها ايه لما اكتب ليها كذا خط  ملهمش معانى ولا دور  اهى حاجة بتشاور على حاجة  وكأنها شايفه المستور  ارمى الاحجار واقرا الفنجان  دورك بكره هيكون محذور  كالعادة وفى ذات اللحظة  محتاج دلوقتى ابقى لوحدى  لا انا محتاج حد اشكيله  فيها ايه لو اروح للدكتور ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

بيننا اعوام دهرٍ كاملِ يا هل ترى سيعود يوم للقاء ام يبقى سهم الغدر قائمًا سهم الزمان يدنوا نحونا يجتاح غضبًا شائطًا قد مر قوم ها هنا يومًا ذات اللقاء قد مضى ذات الخوف المكنون يعود بنا الزمان لأعوام تتكرر المأساة و الآلام وكلاً منهم يقول يا ليتنى ولكن ... فات الزمان .. وقد مضى ... يا هل ترى سنكون يومًا مثلهم نبكى فى سجن الأحزان نشتاق الى يوم مثل الآن لا أدرى أنا ... فى القلب إيمان أننا سنعود يومًا للقاء وسنرسم الأحلام تخلو من الشقاء سنعود يومًا إنما ... يبقى السؤال متى وكيفما... وللجواب يجب علينا الإنتظار لكن كيف سيفيد ذلك والعمر يجرى كالقطار كيف سيفيد الانتظار وتحقيق ذلك يلزمه قتل خوفنا وزرع الثقة بيننا والإيمان بأن ما بيننا حلم ستكتبه الأقدار ربما ليس الآن ربما بعد أعوام لكن ... يا هل ترى .. شغفنا سيزيد أم سيهرم وسنكون فى منتهى عمرنا وسيطرق ناقوس الإنذار ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

ومكنش فى نية خداع  كان ذنبه فعلا حبها فعلا حقيقى قبلها  لف ودار  سرق الزمن اجمل لياليه  والحزن قرب يغلبه  قاوم بأيده كل شيئ  رسم الطريق فتح عيونه وكان برئ اتعلم الدرس اوام قفل البيبان لكل شيئ  وكان فى صدمة زيها ايه اللى كان  الدنيا ماشية وده الزمان  واقفة الحياة ليه عـ اللى فات  حتى اللى فات  كل اللى فات  بأيديه قتلها وهدها قرر يعيش  قرر يوزع فرحته على اللى ليه قرر يداوى كسرته من اللى فيه عارف حقيقى اذاى ده حبك  عمرك سئلت وقولتله ؟؟؟ قولت انه كان مغرور كتير !!! مع انه كان شايفك جميل حاول يبين علته  حاول يبين هو مين قالت بصوتها انا عارفة مين  انا شوفت كله فى الودع  ورميته على الأرض وقريت  انا عارفه عنك كل شيئ  سكت الكلام  حاول يبين إهتمام  راح قالها طب عارفه ايه ؟؟ !! سكتت وراجعت نفسها  ووقتها قرر يعود ويقولها  انه حقيقى حبها  رغم القسية اللى فيه  كان زيه زيها خايف كتير من اللى جى...

ليه فى كل مرة ابدأ يتولد جوايا خوف لو حقيقى الحلم ابدا واجب اعافر الظروف اللى اخاف يكون خسارة‎ ‎ واللى شايف فيه مرارة‎ ‎ واللى مش حاسس حقيقته‎ ‎ التجارب بيها اشوف احلى من طعم المغامرة ‏ خوض حقيقى للأكتشاف فيها ايه لو مرة سمرا ‏ ومره لونها لون شفاف اللى يقتل المؤامرة ‏ المواجهة والإنكشاف ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

جربت تعيش دور غير دورك وتحس معاه إنك فرحان جربت تهاجر أحبابك وتشوف غلاوتهم سعرها كام وغلاوتك وقتها وسطيهم ليها قيمة ولا ملكش بيان جربت تحبها وتصاحب وتوزع حبك بالمجان جربت الحيرة تمتلكك ولا تقدر تفهم العنوان جربت تنوع رغباتك تتلاعب تلوى حركاتك وتحب شوية هدى واحلام دايما بتبررها لنفسك وتلوم غيرك انه ينافسك ولا قلبك قادر على الرسيان جربت انها يوم تكتشفك واما اكتشفت هجرت قلبك حسيت وقتها انك ندمان الحاجة قيمتها مش باينة لما تضيع منك تظهرلك وساعتها بتفهم العنوان ونصيحة تحفظها ودانك لو حلمك تحفظ احلامك القدرة بتولدها الرغبة والرغبة ناتجها إيرادة مش خوف وهروب ولا اى كلام ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

وسط الدولاب حبت ورق‎ ‎ نوتة وتدوينة قلوب‎ ‎‏ <‏‎3‎ والذكريات وسط الزمن‎ ‎ بهتت وصبحت شيئ مذوب حرفين ما بينهم قلب فاضى <‏‎3‎ من وقت لما حبها‎ ‎ ظهرت كتاباته للوجود خلقت بروحها ضحكته ‏‎:D‎ سرقت مشاعره للخلود فتحت بحب سكته ‏ فرشتله الأرض ورود‎  ‎‏ <‏‎3‎ كان كل همه يقولها ‏ يوصف مشاعره عنها ‏ يحكى يطول فى الشرود‎ ‎ الوقت بينهم كان سريع ‏ اسرع من الريح والبرود حاول يطول فى الكلام ‏ ويدوب بيوصف قلبها ‏ خافت فنكرت حبها ‏‎:(‎ دبحت حنين ناوى يتوب عارف مكنش قصدها ‏‎:(‎ القصة جرحى جرحها ‏ كل البشر فيها ندوب‎ :(‎ ‏ برائتها ما اتشاف زيها ‏ وعيونها زاهية بحلمها وقلبها ابيض يجود واللى فضلى منها ‏ صورة بأيدى رسمتها ‏ مكتوب عليها بحبها ‏ ونوتة حمرا باسمها ‏ وحبت ورق فوق الرفوف ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater