خواطر قلم !!!

وانا بعيد بحس انى وحيد بحس بشوقى ليك بحس الدنيا ديه متسواش غير نظرة من عينيك عدت عليا اوقات كتير كنت انسان ضعيف كان عامينى حجات كتير وكنت بخاف لفراقنا يكون اكيد كنت شايف الدنيا بعيون حبيب وكنت راسم احلام كتير كنت راسم ليكى صورة اجمل من نهر النيل وكان ملهاش اى بديل كتر القسوة والبعاد نسيتنى احلامى وكل شىء جميل كنت لما بقابلك بيقتلنى شعور جميل و قلبى بيرفرف لما احس انك قريب شوفتك قريب ومحستش شعورى الى كان بيعذبنى زمان كتير مش عارف اتعودت على الفراق ولا مكنتش حبيب قلبى الاسير بتصعب على نفسى وانا مش حاسس بحاجة زى الى كان زمان اكيد يا ترى لسة بوهم نفسى بالمستحيل ولا مفيش مفر ولا بديل مش استسلام لكن ده احساس صادق وشعور كان مدفون من سنين يا ترى فين الجواب الاكيد الى هيدلنى على العنوان الصحيح مش فاقد الامل لكن احلامى اتبخرت من زمان ومفيش وقت كتير لازم ابدأ حياة حقيقية ومفهاش وهم جديد لازم ابنى ومهدش امل جديد سكوتى مش ضعف ده فيضان مكتوم وفى اى لحظة ممكن يهيج دلوقت براجع حساباتى ولازم اعرف حسابى صح ولا اعيد من جديد كلامى مش لغز ديه رسالة وهتوصل لقلبك لو ليا فى قلبك حنين مفيش وقت كتير ولازم ي...

حكايتى انا والليل طويلة وبتتغنى فى مووايل انا والليل سهرانين متغربين ومشتاقين عايشين ومش عايشين بنحلم ولسة فاكرين وبنحلم بذكرى راحت ولسة برده مستنيين ليلى شكانى وقالى لامتى هنفضل وحدانيين قولت يا ليل طول شوية انت الى ليا من السنين نفسى اشوف قمرك ونفسى نعيش مبسوطين حسيت بفراقه وهو لسة مش حاسس بنار المجروحين نفسى اعرف اعد الايام والسنين الى مخليانى عايش حزين بتأمل القمر بقول هوصلك وانا عارف ان قربه مستحيل نفسى اوصله نفسى اقربله لكن ازاى وهو الى عنى بعيد قالى الليل اوعاك تحتار واوعى تروح فى تيار الموهومين كنت زمان بتشكى وانت بتدارى حب اتولد جوه قلبك من سنين ولما صارحته بقيت بتتألم وضعت فى سكة مفهاش اى بر امين كلامك كله حكم يا ليل بس هو ايه العمل يا امير السهرانين كنت راسم امانى وكنت بحلم زى كل الناس الحالمين كنت فاكر ان الزمن هيحن عليا ويفتح ليا ابواب النعيم بقيت محتار ومش عارف مخبى ايه تانى من ايامى الفاضليين ظلمنى زمنى وضيع كل احلامى وخلانى وسط المحرومين صبرت ياما وقولت الى يصبر ينول لكن للصبر حدود وقوانين قالى الليل مش لوحدك الهيمان فى غيرك كتير مظلومين حط نفسك فى مكانهم هتعرف انك فى ن...

ولا كان فى بالى كل الى بيجرالى ولا عمر ما خطر فى بالى اكون حزين للدرجادى كنت راسم حياة جميلة وكانت اجمل ما فى خيالى لقيت انى حلمى كان وهم وشوفت عذاب ايام وليالى محدش حاسس بالى بيدور فى بالى وكل الى بيجرالى بابتسم علشان اخبى دموع ياما نزلت على خدودى بسئل نفسى يا ترى انا استاهل كل الى بيجرالى مبقتش عارف افكر او حتى انسى كل احلامى احلام بعتها ورميتها فى ظهرى واحلام نفسى اشوفها قدامى بتصعب عليا نفسى وانا بحس بألم ومش عارف اقول اه يانى نفسى اشكى نفسى افضفض وحاسس انى وحيد فى ايامى بقول يا ترى هو حاسس بيا ولا هيطلع وهم تانى سايبها لظروفها وبحاول انسى كل همومى واحزانى سامع الامل بينادى وخايف ليكون امل قلبه انانى خايف اقرب احسن يكون قربى سبب بعادى حاسس انه بيقرب طيب ازاى وهو الى كان رمانى اعمل ايه فى حيرتى واخبى ازاى احساسى وكل احوالى بقولها رغم انى مش عارف الى هيجرى فى زمانى بحبك ديه كلمة صغيرة على كل الى فى قلبى من كل كلامى انا مش شايف بكره غير وانت جمبى وواقف معايا فى مكانى بتساعدنى اطهر قلبى وارجع انسان من تانى ضاع العمر الى فات وخايف على بكره لتضيع كل احلامى عمرى ما خطر فى بالى اكون حاسس ...

صفحة بيضة من تاريخ عمرنا صفحة جديدة لكل الى فاضل من بختنا كان لى حلم قديم وكانت الصفحة مليانة كلام كنت كاتب ومئلف كتاب وكنت مسميه ذكرى الايام كنت راسم فى حياتى وكل الى ليا من احلام لكن الالوان اتغيرت وبقت الاحلام كوابيس والام قررت اغير مصيرى واختار ازاى اعيش اللى فاضل ليا من ايام وافتح صفحة جديدة واخليها بيضة ولا يكون جواها كلام هيعمل ايه الكلام على الورق ما هو جوه قلبى من زمان قررت احرق كتابى وابدأ حياة جديدة واسميها حياة بلا عنوان حياه اعيشها زى ما هى وابنى فيها ذكريات جديدة واهداف صفحة بدأتها ومحيت كل الى كان موجود فى صفحات زمان الصفحة القديمة كان فيها سطر سعادة والباقى كان كله احزان نفسى اعيش من تانى واحس بشعور مات من زمان كنت ببكى وكانت الدموع بتغسل كل هم وكل الى كان دلوقتى دموعى جفت من كتر القسوة ومن قلة الحنان كنت وحيد وحيران لكن كنت بانى امانى وكنت بقول انغام راحت كل الامانى زى كل الى راح من زمان خايف اكتب حاجة جديدة وارميها بعد ما يفوت الاوان اتعودت على الحرمان و مش كل حاجة بتكتمل تمام صفحتى الجديدة هتكون صفحة بيضة بدون احساس ومن غير شعور بأى احزان ...

زمان وانا صغير كنت بحلم ابقى كبير كنت صغير وكنت بحلم احلام كتير لقيت الاحلام بتتغير واحلام الصبى من المستحيل كنت وردة وكان رحيقها براءة ملهاش مثيل كنت فاكر انى لما اكبر هعيش فى دنيا مبتأذيش لقيت الزمن بيتغير ومفيش فيه حد سعيد زمان كانت الايام مش بتجرى ولا بتطير وكانت البركة فى العيشة احلى بكتير فاكر زمان لما كان الهم ملوش فى قلبى دليل فاكر زمان وفاكر اوقات عدى عليها ايام وسنين ايام كانت احلى من انهاردة ومفهاش حد حزين زمان لما كنت بخاف كنت بلاقى حد عليا امين كانت الابتسامة فى قلبى ابتسامة طفل برىء وكانت السعادة فى عيونى سعادة ملهاش مثيل ليه لما بكبر بيأسى الزمن عليا والجرح ما بيطيب فاكر زمان وليالى زمان والخوف من بكرة كان مستحيل دلوقتى بخاف علشان انهاردة احلى من بكرة بكتير فاكر زمان وفاكر طفولتى طفولة راحت مع الريح كان الجمال فى طفولتى وكان القلب طاهر وكان جميل ليه السنين بتفوت ومحدش بيحس بالعمر غير لما بيفوت زمان وانا صغير مكنتش اعرف ان النهاية قريبة ومش بعيد مكنتش عارف ان الدنيا هتخلص والوقت هيجرى ويطير زمان وانا صغير كنت بحلم اكون كبير مكنتش عارف ان الزمن بيتغير زى ناس كتير زمان راح ...

ايامى احلامى كلها كانت لى امانى أفراحى وسعادتى عدت كلها فى ثوانى حبيته وداريته ومنعته يجينى فى منامى كنت بخاف ليبان فى عيونى كل الى فى قلبى عمانى وكان صعب عليا اكون غيرى والاصعب انسى روحى بفكر فى لحظات كان القلب كله امل وكان ثانية حبه سنة كان مستخبى فين كل الالم واعاتب مين على جرحى انا حسيته بجد حبيته بجد وياريت ما كان التمن الهجر بجد قولولى اعاتب مين قولولى اشكى لمين انا بعتب على القدر انا بعتب على الى هجر وسابنى لوحدى اشاكى الزمن على كل الى فى قلبى من الم بقول يا ترى هو لسة مش عارف هو بالنسبة ليا ايه اعمله ايه واقوله ايه علشان اثبت صدق حبى قد ايه هو نور عيونى واحلى حلم حلمت بيه اقوله ايه واعمله ايه اكتر من انى بسلم قلبى ليه

يا مين يقولها القلب محبش غير قلبها ومين يبين لها ان الحب فى قلبى كله لها يا ترى مين هيقدر غيرى يوصلها ويا بخت الى يكون جوه قلبها مبقتش عارف انا ليه متمسك بحبها يا ترى مين هيقولها انى منايا اكون جمبها وامسك ايديها واقولها كل الكلام الى كتبته لها بعيد عن عينى لكنه فى قلبى قريب لو يعرف بالنسة ليه ايه مكنش ابدا يبعدنى انا الشوق فى قلبى موجود من يوم ما عرفتها بسئل نجوم الليل بيقولو النور ده كله بينورلها واسئل عليها الطير يقولو القلب طاير فوق قصرها بشوف البحر ساكت وبقول الحنان كله فى بحرها يا ترى مين يقولها الحب ده كله مخلوق لها ويطمن قلبى ان مفيش غيرى فى قلبها يا ترى مين هيقولها ويريح قلبى الى داب فى حبها يا ترى مين هيقولها؟؟