خواطر قلم !!!

يالى نسيت الحلم ... وفوقت منه فى علم مش كل حلم تلقاه ... شايل القمر وياه ده سعات بيبقى خيال ... وطيفه داء لى دواه بنرجع الايام ... وشريطنا كان فيه الام انسى خلاص الماضى ... ده الماضى فات بأوان قدامك المستقبل ... دور تلاقى هواك انت وحيد فى همومك ... انسى الهموم وارتاح مش كل حلم يضيع ... نفقد امل فى لقاه النور ده جوه قلوبنا ... عايزة العيون ترعاه املى الحياه بمشاعرك ... الخوف ده عمر ما ينفعلك بأديك اكيد هترجعلك ... البسمة تانى بشفاك

حكايات مــ الماضى بنمحيها ... ونبدأ فى جديد احلام **** حكايات ما بتسوى دمعتنا ... واحساسنا فيها بيتهان **** حدوتة كبيرة فى حياتنا ... وبتعلم فينا الايام **** ان اللى يروح عمره ما يرجع ... ولا بد نبص لقدام **** ايامنا الجاية قدامنا ... واحلامنا اكيد مش اوهام **** انسى الماضى وانسى الفرقة ... عمر ما هتكون الخسران **** من باعك بيعه بسهولة ... وارميه ورا ضهرك فى امان **** الى يحبك يومها يصونك ... ولا هيسبب ليك احزان **** ارسم البسمة على خدك ... وافرح عشان انت الكسبان **** حكايتنا بتشبه بعضيها ... مرسومة فى بيت كله كلام **** مش كل اللى بيقرا بيفهم ... ما بيفهم غير الفنان **** ولا كل اللى يشوف بعيونه ... ممكن ها يحس العميان **** اشعارنا حروف فيها احلامنا ... وسطورنا فيها الانغام **** مليانة حكاوى فى مواويلها ... تتلحن بالعود والناى **** نفسنا تتغنى بأصواتنا ... وتتجمع كسرب حمام **** قوتنا فى كل مشاعرنا ... واملنا هيجى يوم ويبان **** احنا رمينا الماضى ورانا ... وجددنا الاحلام فى منام **** والواقع لازما هنعيشه ... وهنحقق فيه الاحلام **** انا مش مغرور ولا بتكابر ... انا ثقتى بتهد جبال **** حكاي...

دوري يا دنيا ورسينا على بر امين **** وافتحى شباكك لينا وكونى مــ السامعين **** ده احنا الى رضينا بقدرك ايام وسنين **** ومشينا طريقك واحنا راضيين **** من امتى عاندنا معاكى يا دنيا **** طول عمر الفرح معاكى مراكب بايشة **** وبتزرعى حزنك فينا بالام بايخة **** افتحى ابوابك لينا واملينا فرحة **** انتى يا دنيا مش باقية زى الاخرة **** علشان كده مش مزلولك ولا هخضعلك **** وغصبن عنك هتداوى كل جراحى **** علشان انا عمرى ما بنسى كل خداعك **** طول عمرى انا قلبى الاقوى من حركاتك **** وهعيش راضى بمصيرى و هبنى كفاحى **** وكفاية عليا انى احلم بالمستقبل **** حلم يضيع مش هيموت حلمى الامثل **** انا مش عاجز انا طبعى مش بستسلم **** لكن صابر وبعافر انى اكمل **** دورى يا دنيا ورسينا على بر امين **** وافتحى شباكك لينا احنا الحالمين

على فين رايحين يا بلادى على فين رايحين ؟؟ **** الوقت بيسرق احلامنا واحنا واقفين **** فى اليوم بتموت فينا اروحنا واحنا ضايعين **** بنادى عليكى يا بلادى واحنا مأمنين **** وجنودك رامية الراية وفينا جارحين **** مبقتش اعرف ايه احساسى وسط الملايين **** ودموعى فيا غرقانة علشان ساكتين **** انا صوتى ما كان ابدا عاجز كان فيا رنين **** وفى قلبى انا بعشق اوطانى من قبل سنين **** على فين رايحين يا بلادى على فين رايحين؟؟ **** التوهة بقيت جوه قلوبنا وبقينا ظالمين **** والحق الباين فى عنينا جوانه كاتمين **** لازم تيجى فينا واقفة قوية ونكون ناصرين **** وطريقنا ينور بأضائة حق الثايرين **** ومعاهم نفرش فى طريقهم درع الحامين **** الفرصة عمر ما تتكرر غير بالضالين **** والحق معاهم مش غيرهم والحق امين **** وبصوتهم هزو اركانة وكانو صابرين **** على امل ان احنا نمدلهم ايد مصريين **** فكفاية خضوع فينا حبسينوه ولا ليه راحمين **** على فين وخدانا يا بلادنا وعلى فين رايحين ؟؟

قومى يا مصر وشدى الحيل كل شبابك فخر عظيم قومى يا بلدى احنا ولادك مدى ايديكى وقوى حماسى انا من غيرك تايه وحدى خايف اثور تبقى معارضانى شايف كل اخواتى اتقتلو نفسى تداوى لى احزانى وقت ما بسمع كلمة عليهم نفسى ايديهم تبقى فى ايدى وسعات بيقولو مش هما ديه فلول عايزة تدمر فيكى فين الحق وفين الباطل فين الفاسد فين الطاهر ديه حقيقة ظاهرة ومش مخفية لكن عايزك تملى عنية وتدليني على الحرية واحمى بجد انا الوطنية

استخفاف بعقولنا وفاكرينا موافقين ***** ليه يا اساتذة تعيدو الماضى وانتم مش فاهمين ***** طالع بيقول كلمة غريبة وفكرنا خايفين ***** انتم ورقة اتحرقت خالص وكفاية تمثيل ***** ضيعتو حياتنا بأديكم لسة مش حاسين ***** ما كفاية خلاص دوقنا عذابكم لسة مصممين ***** الشعب النايم هيفوق علشان بيكو نايمين ***** الحيرة خلاص رفضت تبقى فى قلوب مصرين ***** خلصتو خلاص كل رصاصكم وكيماوى مش عاتقين ***** بدل الدبح فى شعبك اجرى اقتل الفاسدين ***** والله كلامى لو كملته فى دماغكم قافلين ***** انتم موضة قديمة وماتت وشبابنا عاقلين ***** احنا وراهم هنكمل مشوارنا معاهم احنا المصرين ***** ديه شباب ماتت علشان كلمة اتقالت فى جحيم ***** الصدق هيفضل موجود والحق معاه ليوم الدين ***** ديه شهادة بنتمنى ننولها وضريبة ليها ساجدين

مين تانى فى يوم هيحس بـ مين مين ؟؟ مين تانى يودع يبكى يغنى لمين مين ؟؟ **** ليه من تانى نعيد حدوتة فيها عذاب وانين **** احنا اخرنا نمسك ورقة ونملاها احبار **** فيها شعورنا فيها كلامنا من جواه اشعار **** اوعى تفكر انك فيها هتكون مـــ الابطال **** هتعذب قلبك من تانى ومفيش ليك اعذار **** مين تانى فى يوم هيحس بـ مين ؟ مين ؟؟ مين تانى يودع يبكى يغنى لمين ؟ مين ؟؟ **** حاسس انى انا حبى هيكون حب جديد !! فوق **** اوعى خيالك يسرح لما تشوفها جوه عنيك **** ديه الفرحة بتسرق احلامنا واحنا مش حاسين **** متهيألى انى انا وحدانى بيحبه الملايين **** لكن فين الحب فى قلبى الى بيه عايشين **** مين تانى فى يوم هيحس بمين ؟ مين ؟؟ مين تانى يودع يبكى يغنى لمين ؟؟ مين **** هفضل اغنى بصوتى كلامى وهقول فيه خيالات **** مش احسن ما اتعذب وحدى واكتم فيا اهات **** تطلع منى بصورة غنوة تتغنى فى سهرات **** انا عارف انى انا بتألم وبخبى جراحات **** ببكى من جوايا وبضحك علشان انسى حجات **** اوعى يا قلبى تعلق نفسك تتشعلق فى غرام **** ده الى بيتعلم فى الدنيا لسة متهناش **** وهتفضل على طول تتعلم وتدوقها فى كاسات **** انسى يا قل...