خواطر قلم !!!

بحبها مقدرش اقول غير كلمة واحدة بحبها بكدب كتير واقول نسيتها ولما اشوفها ببكى لها عينى بتبكى على الفراق وكتير بعانى فى بعدها جراح كتيرة دمرتنى ورغم جرحى بعزها روحى لها عمرى لها وبكل نبضى اوهبلها معدش فاضل من الامانى غير انى نفسى ارجعلها العمر يجرى والوقت ضايع وذكرى حلوة تندهلها حب حقيقى فى قلبى ليها ومش بأيدى قربها الوقت ضاع والعمر فات مفيش غير الذكرى الجميلة منها بحبها بشتاق ليها ونفسى حد يقولها انى حقيقى بحبها بحبها

بحبك كلمة نفسى اقولها ليكى من زمان كلمة مدفونة فى معانى تبلغك مني السلام نور عيوني هي انتي وفـ عيونك الامان كل ما انسي بسمتك برجع وبرسمها بخيال مين ينور دنيتي لما تطفي شمعتي بأيديك كمان ايوه انا فى رحلتك نفسي يكون ليا مكان حبي ليكي مش مجرد اختيار ده قدر وفـ أيديكي القرار مش معاند أي شىء فى حبنا ده الفراق هو إلي كاره قربنا والحنين دايما ينادي قلبنا وانتو دايما تنسوا ان احنا هنا لسة فى مكنا وكل شىء يندهلنا الذكريات محفورة فينا من زمن والماضى فات والجى فى شعلة امل

واحشانى عنيك واحشانى يالى جوه فى احلامى نفسى اشوفك قدامى وتطيب ليا الامى طمنى عليك طمنى واندهنى اوام كلمنى قولى انى فى احلامك فارس بحصان فى منامك مقدرتش انى اواجهك واقولك انت حنانى نفسى فى يوم امسك ايدك ونعيش فى جزيرة انا وانت وبأعلى الصوت انا انده واقولك انى حبيبك واحشانى عنيك واحشانى انا عمرى فى يوم ما نسيتك حتى لو كنت ناسينى انا واحد عاشق صوتك وف كل خيالى بشوفك حتى لو كنت بعيد انا هفضل اغنى واعيد واحكيها انا فى المواويل وهدندنها وانا ماشى وهقول يارب تصيب انا عارف انى بعيد والبعد ده اكبر عيب لكن لو بينا نصيب هحكى وهقول يا حبيب وقت ما قلبى انا حبك كان احلى واجمل عيد والماضى رميته فى ضهرى والحب ما بينا جديد واحشانى عنيك واحشانى وانا هدعى ربى انا دايما لو بنا نصيب تلقانى واحشانى عنيك واحشانى

قلبي بيندهلك يا ملاك ...... لو حتى فراقنا بيتعاد ...... جوه فى قلبي لسة حجات ...... بوصفها أنا ليك في الحكايات ...... حكايتنا ما نقدر نمحيها ...... محفورة فى قلبنا وعنينا ...... وشعورنا فيه كل ماضينا ...... بكتبه وبغنيه فى ابيات ...... أنا هفضل اغنى علشانك ...... وهنادي عليكي فى منامك ...... وعليكي هعيد فى ميلادك ...... علشان يومها قلبي نداك ...... كت أول مرة انا بكتبلك ...... وكانت أول الروايات ...... متسجله جوه فى خواطري ...... بتاريخ يوم ما اتولد انا قلبي ...... فاكره اليوم ده ولا نسيتي ...... أنا بقى ما اقدرش أني انساه ...... هرجع وافكرك انا بيه ...... من كذا سنة انا كنت شاريك ...... وفتحت انا قلبي وكان ليك ...... وبسببك عشت الاحلام ...... انا مش بشكي ولا انا بلومك ...... ولا حتى انا نفسي اقلق نومك ...... انا حبيت اني اكتب اسمك ...... واقولك فى ميلادك انا فاكرك ...... وادعيلك مليون سنة تفرح ...... وتعيش ويا الى فى احلامك ...... انا عارف قلبك مش ليا ...... وانا قلبى خلاص مبقاش ليك ...... اتعودت اني ابقى وحيد ...... علشان مقدرش ارجع تانى ...... واعيد تانى نفس التعذيب ...... هى مغامرة...

أورقتنا أورقنا أورقنا ما فيها اى كلام حكاوينا حكاوينا حكاوينا بتحكى فى كل زمان بتعبر لينا وبتشكى ماضينا طول عمري انا بكتب من قلبى الشعر بألحان من يقرا كلامنا ويحس الامنا ويداوي جراحنا هيكون طول عمره معانا فنان وفـ يوم يندهنا ويدقدق بابنا ويقول يا حبيبنا انت الى فى بالنا هنعيش وياه تحت الاقدام انا هفضل اغنى وانادى من قلبى واكيد هيجلى فى يوم اجمل انسان مش هيأس ابداً د انا اجمل حلم حلمته زمان انى ابنى امال هفضل مستنى واتحمل صبرى واعيش مع قلبى على الاحلام انا كل كلامى بيقول احساسى وانا احساسى على طول بيبان انا عاشق صمتى وبحب قصدتى علشان فيها اجمل انغام انا وقت ما حس بخوف جوايا برجع لكلامى اكتب من تانى حكاية واقراها كتير وامثلها فى رواية علشان وقت ما بقراها بحس انا بأمان هي بتفهمنى وبتصرخ منى علشان انا صمتى كله كلام انا فرحان بيهم بكلامى وقلمى علشان انا اسمى حبيبى بيهم عنوان

روح جوه منا بتمحي كل عذاب الامنا *** بتبقي لينا فيها جنة لما ينسانا الي منا *** احنا زى ما احنا برضه مفيش حجات تقتل امالنا *** جوه منا حجات كتيرة فيها حب وفيها حيرة *** فيها نار و فيها غيرة لما نحلم ف خيالنا *** روح جميلة روح بريئة روح بتبقى غالية دايما فى تمنها *** لما يلمسها الى حس بحب جوه فى عيونها *** تبقى روحها طايرة بيها بالسعادة الي فى بالها *** روح ما تقدر تشتريها ولا حتي هتلاقيها *** روح هتيجى فى معادها للي هيكون من نصيبها *** مهما تجري ومهما تبعد هى روح هتكون منالها *** غصب عنك هتلاقيها لما يجى معاد أوانها *** تبقى هي الحب ذاته تبقى هي الكون بحالها

تصدق بايه تصدق بايه مفيش حاجة حلوة حلمتها غير حلمي بيك حتي حياتي ما عيشتها وأنت بعيد كل الام بحسها لما تغيب كل الدموع بعزها دى دموعي ليك لما أهاتي تهزني برسم عينيك لما بعيش فى وحدتي بمسك ايديك كل حياتي فى حبي ليك خيال برئ كل مشاعري بتناديكى نهار وليل تصدق بايه تصدق بايه برسم مشاعري فى اغنياتى بأيدي ايه عارف حياتى خلاص بقي مبقتش ليك كل إلي راح فى دنيتي مبقاش جديد عايش لوحدي على الامال علشان أعيش انا نبض قلبي ندهنى تاني وقال حبيب منعني عقلي وقال خلاص مات الحنين كل الصراع بيني وعقلي وليه نعيد أنا فى طريق وأنت فى طريق وأخترت ليه بتمنى ليك حياة جميلة تكون سعيد فيها معاني تحسها وما تكون حزين انا فى حياتي رضيت خلاص اكون اسير مشيت لوحدي فى سكة ضلمة مفيش بديل تصدق بايه تصدق بايه مجتش فرصة اقولك أنى بميل إليك لكن فى قلبى الذكريات محفورة ليك عايز اقولك كلمة واحدة تكون دليل أن انت حبى الاولانى والاخير