خواطر قلم !!!

وليه كل المشاعر ديا مكبوتة ومدفونة فى ضلام بلا ضى ولو بتحبها قولها تخاف ليه انت من اللى جى خايف للماضى يتكرر وتتضرر وما تكون حى خلاص خليك بأوجاعك فى احساسك وما تلومش الزمان عـ الجى وايه تانى هتخسره لما هتقولها فحاول ربما هى تكون نورك وفيها الضى وما تسألش على بكره فبكره له رب اسمه الحى  ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

والله بعيد لكن جوايا ومنى قريب بشتاقلك اه لكن الخوف جوايا بيذيد خايف مـ الحب يكون اوهام وللماضى اعيد انكسر الحلم انا جوايا  لكنى بشوفك حلم جديد مستنى اشارة تجمعنا على شط امان ويكون يوم عيد لو تلمح صورتى بتندهلك لو تسمع صوتى يقول تغاريد وفى وصفك ما قدرت اوفى كل اوصافك بالتحديد انا بدعى ربنا يجمعنا وتكون ويايا الايد فى الايد الوردة اللى حلمت انا بيها ساكنة بستان فى قفص بحديد نفسى اكسرحاجز موجود بينا واصارحك باللى القلب داريه ويقينى ثابت جوايا لو لينا نصيب انا مستنيه مش بيأس ولا ببعد عنك ولا حتى عن دربك انا بحيد بس انا مؤمن انى انا قدرى ربنا هيجبه فى وقته اكيد بحلم بيكى ليالى طويلة وفى سهرى بدندنلك موواويل وشايلها فى دواوين محفوظة بهديها للى فى قلبى حبيب والله بعيد لكن جوايا ومنى قريب ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

قفلوا البيبان واتسلسلو بمليون لجام قالوا العجب كل العجب من غير كلام سابوا الانين يجرح وطن بألف جان وكان كتير على القدر يرسم بيبان تفتح لأحلام الوطن دنيا الامان والحق مش للى اتظلم ده للجبان فين اللى كانوا بيسرقوا منا الحنان ولا اللى مسروق فى الوطن هو المُدان ضاع معنى ثورة كت بدايتها الميدان كل الارادة اتغيرت حتى الجوامع والاذان ساقوا الشعوب على الحواف لامو الزمان واللوم ما كان على الزمان ده على الانسان فين الانسان؟؟ حتى ده راح مع الحطام قبل الاوان واتبقى حبت معجنة وفضل معانا الخوان شايفينه بعنينا وساكتين على الجبان فين الوطن اهل الوطن باعوا الوطن بالمجان اتغرروا بموسيقى زايفة على الكمان نام الضمير بعد المجازر واللى كان والروح بنخدعها بكلام والحق جوه القلب هان قفلوا البيبان بقفل مصنوع فى اللومان علشان يعيش الحق مسجون ولا يبان لكن حقيقى الحق لازم يوم يبان تتمد ايد وتنصفه وتفتح إليه كل البيبان ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

ياللى عاوز تنبى وطنك بالكفاح وتكون آمين مهما هيكون اللى منعك سد سور او كان لئيم مهما هيطول فيها صبرك جيزتك كنز ثمين خلى حملك على اللى خلقك ده اللى وجدك كان رحيم فى الكتاب له نور واية وشايله للظالم جحيم أوعى تستلم لغضبك ده الغضب مفهوش نعيم ابنى مهما يهد غيرك وخلى قلبك على يقين أن نور الصبح طالع للى ضارب الفاس فى طين للى بينازع بجهده لجل وطنه ما يكون حزين للى وقت الجد راجل وفى الهموم صابر حكيم للى بيمدلها ايده مش بيهديها الانين ياللى عاوز تبنى وطنك وتشيل حطام تركه السنين خلى جوه القلب حكمة ربنا رحمن رحيم ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

عايزين رئيس جديد  طب بعد ده كله ايه ما انتم زى الحديد وما فيش وفاق يا بيه فكرى وفكرك غريب علمانى ما فيش كلام بس نهاية الحديث  فى كتاب ربى الامان قالك احسن ظنونك  وابنى بأيدك حصونك واجرى على رزق يومك  واعبد ربك يصونك مش ده كلامه يا ناس ولا ملناش اساس عايزين رئيس جديد  طب فصلك رئيس يرضى كل العقول يبنى من غير ما اقول والله ده شغل جان  لو بتحب البلد ديه  طهر كل المخبى من غير كتر كلام انا شايف النهاردة من كل ناحية معارضة وكأن احنا فى تكية ووطنا مالو ديه ونسينا معنى القضية اللى مات فيها الشباب بنقول هنجيب حقوقهم وهنشيل كل همومهم وما احلى من الكلام  عايزين نبدأ نحقق الحلم و ليه نصدق وما نكونش مجرد عوام عايزين رئيس جديد طب ما اتغير رئيسنا وفضلنا زى ما احنا علشان مش ده الجديد عارفين امتى الجديد لما يلين الحديد اللى فى قلبك وقلبى ونشيل ضدك وضدى من قاموس الكلام المطلوب مش رئيس مطلوب شعب لوطنه يبنى فيها ويكافح وعليها يكون حريص إ ذا كنا نريد للوطن الامان والسمو فيجب ان نبدأ بأرواحنا اولا نتغير من داخلنا نحاول على الاقل ان نقتدى بما هم افضل منا ولنا مثال...

عم الضباب مدينتى والكل صاروا ثائرين عصبوا عيونهم عن الحق فى وقت لئيم قالوا بأن الحق شائخًا وجائراً اثيم وتشتتوا وتفرقوا وكأن ذاك هو النعيم اين المودة والمحبة التى بها نستعين اين الأمانى ومن سيبنى ما هدمته السنين اغتاظ حين ارى الجموع كلهم مضللين اجتاح غضبًا داعيًا بأن يكونوا صابرين عم الضباب مدينتى وامتلء قلبى بـ الانين ابدأ بنفسك قالها بشرًا كثيرا مفكرين لكنها مقولتًا تكتب وتقتل وهى جنين كيف اقول بأن ذاك خاطًا وانا من الخاطئين اكيف اقول بأن ذاك عاصيًا وان زعيم العاصيين اقذف فلان بأنه متأسلم او حتى من الليبراليين هل نحن شعبًا واحدًا ام نحن قوم اخرين هل العدو مننا ام صرنا قومًا جاهلين كل البلاد تفرقت وطريقها صار عتيم والان وطنى يذبحوه بخنجرًا وقاتليه مواطنيه اجسوا واركع للذى جعل الخلائق فانيين لا الأرض تبقى ولا انا فالكل للقبر سكين ارموا العناد فالعناد يولد الكفر المبين الارض تحتاج الكفاح فكونوا فيها مكافحين صيروا مثالًا يحتذى به احفادكم القادمين لا تجعلوهم يقرئوا بأنكم كنتم فى يوم قاتلين ادعوا الجموع بأن يظلوا صامدين فالغرب ليسوا اذكياء ونحن جاهلين الجهل يأتى من تحدى الناجحين وذكائنا ...

واكتر من كده قلبى يقولك ايه!! جوابى بان من الاول وبيه غنيت  كتبتك جوه اشعارى فى اجمل بيت  وهبتك كل كلماتى وليكى انا جيت  وليه انده ما تسئلش وتتقل ليه!!  ما شوفتيش انى فى بعدك بعينى بكيت وسال الدمع من عينى نهار وليل  انا بعشق سماع همسك ولمس ايديك ولما المح انا صورتك فى يوم لا عانيت فى ضيك حسن بيلالى كمصباح زيت ينور ليا ايامى واحلامى وبيه اتمنيت  تكونى اميرة لقلبى وفى ايديكى اكون انا سيف فى وقت ما تحتاجيه سندك يقول لبيت ولما تطلبى حضوره هاكون انا جيت  واكتر من كده قلبى يقولك ايه!!  هغنى كتير واعدهالك واقول واذيد بأنك حبى الاول وما فيش بعديه  وحلمى اللى انا مصمم اكون جمبيه  واكتر من كده قلبى يقولك ايه ؟؟ ما فيش كلمات فى كلماتى  ولا ابيات فى ابياتى  هتقدر توصف اللى رأيت  بأنك نجمة بتلالى فى احلامى نهار وليل فأكتر من كده قلبى يقولك ايه!!  ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater