خواطر قلم !!!

مش عارف اكتب حاجة كاملة يمكن علشان مش شايفنى او حتى مش سمعانى فبقول اكتب ليه وأعانى هسكت على حلمى المرفوض لسة ما بينا مليون باب كل مشاعرنا فى سرداب تظهر على اوتار العود حتى الوحى بيرفض يجى عايز اكتب حاجة بايدى وابعتهالك على مخطوط وقت ما تقريها تبكى قصادها وتحسى الفكرة اللى قصدها وتفتحى سكة ما بينا جديدة تبقى طريق لينا مفرود رغم القسوة وكتر عنادك انا بكتبلك شعر عشانك والشعر ده اهداء محدود لو بأيديا اجبلك نجمة وافرش ليك الارض جنينة وتكون بالعرض وبالطول انا هفضل على طول مستنى فى اللحظة اللى اكون متهنى بيكى وبالحلم الموعود وعشان اثبت معنى وفائى هختم شعرى بحاجة نهائى حبى انا ليكى مش مشروط ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

وبسبب الرغبة وكتمانها وبسبب الحيرة واحزانها مالهمش حلول وعشان الفرحة المدفونة والغنوة الحلوة المسجونة هنعيد ونقول   مافهاش مشكلة لو فضفضنا وحكينا رسمنا وشغبطنا فوق مليون سور وهنكتب اسامينا بأيدنا واحلام وامانى بتذيدنا بهجة وسرور وهنبدأ نمشى على خطاها وهنسعى ونجرى لرضاها وأكيد هننول الحاجة المتأخرة دايما ليها وقت هتظهر وتسلم وهتيجى بنور ومتستعجلش انك تاخد الفكرة تسلم للمولى وهيجيلك دور والحكمة تقول اننا نصبر وفى حسن الظن نتمادى بأيمان و قبول ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

وقدرت تخلى اليأس انه يسيطر هتمانع او حتى هترضى ماهو مش بأيديك الفكرة مهما هتتعلق مش هيكون ليك كبر مخك وانساه على طول مليون غيره مستنى تقول بتقولى ايه؟؟ مانتش راضى بحد غير بيه طب اشرب والبس واتشيك علشان نازلين اوعاك تفتكرك انى انا فرحان او حتى حزين ما هو اللى بيرضى يكون مذلول للبنى ادمين حتى ولو كان بيحب بجد وفيه عاشمين يستاهل اللى بييجراله وما احناش اسفين اوعاك تفتكر انا فيك فرحان بس انت صعبت عليا اوى وبحاول اساعدك عـ النسيان القلم اللى يعلم على خدك ويفوق فيك من حسرة قلبك يديك قوة وعزم وتصميم برده بتكابر على رأيك اوعاك تفتكر انى بقايضك وانا اسف حتى انى بعرضك وياعم البس علشان نازلين ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

وشبيت فوق حمول الدنيا بدور ياما فيها عليك عايز اشكيلك انى فى ثانية بضيع وانا ايدى سايبة ايديك بدور كتير وانا ماشى على انسان بيشبه ليك بطيبة قلبك القاسى فى وقت ما بلمح خوف فى عينيك وخوفك مش على نفسك ده خوف لضناك يضيع بعديك وفعلا بعدك انا ضايع ودمى فصيلته نابعة فيك وماسك نوتة وكتابك وشايف لون سطور غناويك وفاكر شيلى عــ اكتافك كأنى فارس وانت حصان وتتعب بس بتكمل عشان الضحكة منى تبان وبقرا كل ابياتك وذكرا فاكرها لسة بيك بحاول بيها اتصبر كأنك لسة جوه البيت وبعد اما افتح انا عينى بلاقى دموع بتبكى ليك بحس ان الفراق طول وكان بدرى اكون ناسيك قالوى زمان ابوك سافر وسفره يدوب يكون يومين لقيت ان الشهور عدت نسيت كل اللى كان بعدين لكن فى ثوانى بفتكرك وبرجع ابكى بالساعتين ولسة فاكر المشهد ضلوعك على السرير ثابتين وبوسه بوستها لخدك وبعدها اختفيت لسنين ورغم البعد انا فاكرك بشوف صورتك فى ناس تانين ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

كل الحكاية كان امل موجود وايمان بأن الجى مش مفقود والسر فى الحرمان ده فى المولى لما يقول هيجود فيجود الحلم كان فوق السحاب مفرود والضعف فى الحب ده مش موجود لكن بأهمالنا بياكله الدود القصة عنوانها على الافيشات عاشق بيستنى امل فى ميعاد اتعلم الحب فى فيلم قديم كان فاهم ان نهايته تصبح زين والمخرج اللى بيجبر المكسور بيغير المشهد وكمان الدور وبينهى الفيلم بلقى الحبيبن كل الحكاية فيلم على الصفحات منشور بكلمات تملى الروايات وبيبقى كله فى الشاشات تمثيل مالهوش صلة بواقع ولا بمثيل كاتب بينقش حلم فى المنولوج وبيبقى كله خيال ووهم بريئ مش شرط يبقى الفيلم فيلم جريئ ده سعات يعبر عـ اللى مش بيفيد وتلاقى ان الواقع الملموس غير المشاهد اللى عليها الضوء ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

وبغنى لقلبك يسمعنى وبكتبله اجمل موال وبصوتى بصرخ وبقوله قلبى فى عشقك اهو مال والحيرة الرافضة تريحنى والضحكة وبسمة بدلال والتقل اللى بيطلع منه اوقات وبيهدى فى اوقات انا مجنون متعلق بيها وبنسى فى عيونها الاهوال واما بتمسك ايدى ايديها بترجرج زى الفنجال واتلغبط واسرح فى عيونها واتمنى تكون ليا حلال واحس انها بيا موافقة وساعتها حالى يكون عال انا رافض انى انسى جمالها واخلاقها اللى ماليها مثال ولا هطلب غيرها وهستنى جايز بكره يئون لى اوان وماحدش غيرها ساكن قلبى ولا هيكون لبديلها مكان ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

قلبى المتأخر عن بخته واقف فى صفوف المنتظرين والعمر بيرقص ويعانده وكأنه مش مـ البنى ادمين واقف بيشاور ويدور على نصه التانى فى الماشين والسكة طويلة ماليها اخر ووشوش الناس بالملايين الحظ بيرفض يصفاله والقدر اللى معيق افكاره تقاليد وعادات كل الزاهدين الصف بيقصر مـ الأول والوقت عمره ما بيطول والدور الجى يقربله ونصيبه فيها هيقابله حتى ولو كان مش حب قديم كلنا عارفين اللى بيحصل الحب ده فيلم ابيض واسود جوه الكواليس جوه المسرح كلنا عاشقين واللقطة الخارجة من الكادر وحقيقية البطل الغادر بيمثل لرضى الجماهير لكن فى الواقع الحاصل للأسف الحب مش متواصل بيموت مـن اهمال الصامتين   ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater