خواطر قلم !!!

الصورة بقيت فزورة  محتاجة للترتيب  الغاز بتجر الحيرة  والحل ماهوش سديد انا ليه جوايا الغيرة  لحجات على طول بتغيب  اشمعنة اكون مشتاقلك  واقرب تبقى بعيد مش فاهم ايه المغزى ده كسوف وخجل ربانى  ولا ده اسلوب تعقيد الغاز معقودة بفكرة  وظنون على طول بتعيد ليه دايما اكون الوافى  والحظ ماهوش بيوافى ده سعات الحزن الكافى  بيموت قلب سعيد  وانا دايمًا كنت مصدق  الاحساس فيه استاذ وماكنتش فاهم انى مجرد صورة فى برواز بحلم وبصدق حلمى واتارى الحلم ازاز ومشاعرى مجرد ورقة احساسها بيبقى نشاز ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

دايما بسئل نفسى سؤال  ايه الحال؟؟؟ برجع اجاوب حلمى  محال :( واسئل تانى واقول مش عال ؟؟؟ :) طبعًا عال بس النفس فيها دلال :) فيها مشقة تهد جبال :( فيها الخوف دايما فى البال :( فيها حنين رافض ينزال :( فيها محبة وفيها  جمال :) بس مافيش ابدًا ليه منال :( برجع اسئل  ايه الحال ؟؟؟ بعد ده كله بجاوب  عال  :) :) ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

صعب احس ما بنا علاقة وقلبه معايا بيبقى شريد ومن الأصعب لما اغنى ويبقى غنايا ملوش تمجيد حاجة غريبة بتبعد عنى ‏ احساس دايمًا مش فى الايد ‏ ‏ احلام متعودة تتبخر ‏ وامانى كتيرة  وبتذيد ‏ انا مش طالب بنت جميلة ‏ ولا حتى مواصفتها أميرة ‏ انا طالب روح تسكن قلبى ‏ مش روح تيجى وشوية تغيب ‏ وتكون البسمة عنوانها ‏ وتفائل مالى ايامها ‏ وامل وامانى فى احلامها ‏ والإحباط اخر ما تريد ‏ تقرا جنونى بكل تعقل ‏ تفهم قصدى بكل تدبر واحس طفولتى وياها ‏ وتشدنى على طول لهواها ‏ واشوف فى نضوجى ونضوجها ‏ لهفة حب وقلب سعيد ونبنى بأيدنا حياة تجمعنا ‏ ونتعود على كل طباعنا ‏ ونهون على بعض وجعنا ‏ ويبقى الحب ما بينا مديد هفضل ادور على إنسانة ‏ يصبح ليا فيها مكانة ‏ على طول تطمن على حالى ‏ وكل ليلة وياها فى جديد انا عاشق مغلوب على امرى ‏ وحبيبتى نجماية فوق قمرى بوهبلها انا عمرى الفايت ‏ والحاضر والجى اكيد ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

مش عارف ارضى مين‎ ‎ كل اللى قصادى دايما‎ ‎ بوهب ليهم الحنين‎ ‎ وسعات مـ الخوف عليهم‎ ‎ اجى على نفسى ليهم‎ مهما يكون شيئ مهين ‎ صعب انى لوحدى احكم‎ ‎ صعب انى لوحدى اثور‎ ‎ والاصعب انى ارسم احلام وسط النسور وتفوت بينا الليالى‎ ‎ وتفوت بينا السنين‎ ‎ وافضل اشيل وادارى‎ ‎ واخدع روحى وروحهم بشعور انى فى سرور ومهما الايام تعدى الحمل معاه بيتقل ‏ ويفيض بيا الشعور ‏ وبرغم ان فى جراحهم ‏ شايل من غير ما اقول ‏ وقت اما يصيبنى جرحى فى ساعتها بكون لوحدى ‏ واكون جوه فى عيونهم ‏ شيئ ملهوش اى دور ‏ بكتم وامشى فى طريقى ‏ واستعوض خلق ضيقى ‏ وارجع واوهب حنينى ‏ ليهم تانى بقبول ادخل ودوس ليك وشاركنا برأيك فى  بيدج أحلام على الورق  https://www.facebook.com/5oater

وشاغل بيك محبتهم وخايف مـ الهوا عليهم وهم مش على بالهم ولا باين على عينهم سنين شايل على كتافك وناسى روحك فى ايديهم بتهتم تداوى كل اوجاعهم ووجعك مش دواه بيهم فحب شوية من نفسك وخاف عليها قبليهم متسناش تشوف فيهم حجات مـ الصعب تلاقيهم بتوهب كل ما تملك لناس بيعاك وشاريهم متتألمش لو حسيت بغربة وانت وسطيهم ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

مش عارف اكتب حاجة كاملة يمكن علشان مش شايفنى او حتى مش سمعانى فبقول اكتب ليه وأعانى هسكت على حلمى المرفوض لسة ما بينا مليون باب كل مشاعرنا فى سرداب تظهر على اوتار العود حتى الوحى بيرفض يجى عايز اكتب حاجة بايدى وابعتهالك على مخطوط وقت ما تقريها تبكى قصادها وتحسى الفكرة اللى قصدها وتفتحى سكة ما بينا جديدة تبقى طريق لينا مفرود رغم القسوة وكتر عنادك انا بكتبلك شعر عشانك والشعر ده اهداء محدود لو بأيديا اجبلك نجمة وافرش ليك الارض جنينة وتكون بالعرض وبالطول انا هفضل على طول مستنى فى اللحظة اللى اكون متهنى بيكى وبالحلم الموعود وعشان اثبت معنى وفائى هختم شعرى بحاجة نهائى حبى انا ليكى مش مشروط ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

وبسبب الرغبة وكتمانها وبسبب الحيرة واحزانها مالهمش حلول وعشان الفرحة المدفونة والغنوة الحلوة المسجونة هنعيد ونقول   مافهاش مشكلة لو فضفضنا وحكينا رسمنا وشغبطنا فوق مليون سور وهنكتب اسامينا بأيدنا واحلام وامانى بتذيدنا بهجة وسرور وهنبدأ نمشى على خطاها وهنسعى ونجرى لرضاها وأكيد هننول الحاجة المتأخرة دايما ليها وقت هتظهر وتسلم وهتيجى بنور ومتستعجلش انك تاخد الفكرة تسلم للمولى وهيجيلك دور والحكمة تقول اننا نصبر وفى حسن الظن نتمادى بأيمان و قبول ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater