امى الحبيبة

امى الحبيبة كل عام وانتى بخير

وطيبة وكلك خير
مش قادر اقول غير انك اجمل ام
واحن انسان يشيل الهم وكل الاحزان من غير كلام
وطبيب من كل الم وكل حزن فى الايام
تعبتى فينا وفرحتى بينا
وبتحلمى اننا نكون احسن من الغير
وحشانى يا امى ووحشنى حضنك
وقلبك الكبير الى كله فرح وحنان
قلبك كبير بتسامحى من غيرحتى تفكير
وبتدعى ليا فى الصلاة والتحية
وتقولى ليا روحى يا ابنى ربنا يهديك من قلبك الكبير
حارمة نفسك وبتدينى حنان وكمان مديانى امان
مش عارف من غيرك كنت عملت ايه
ده انتى ظلى ومن غيرك اضيع واكون
انسان محروم من غير حضن امان
ومن غير عنوان ولا حتى شخصية انسان
مش هقدر اهديكى بحاجة لانها متسواش
حاجة جمب قلبك الى كله منبع حنان
خليتينى عايش وبحلم بأجمل الاحلام
مش هقدر اوصفلك ان الدنيا من غيرك ملهاش الوان
ولا حتى رسمة ولا اجمل انغام
انت الزهرة وانا البستان
من غيرك اكون صحراء جرداء من كل الجمال
وهبتى حياتك لرعايتى وشايلانى وسايبه كل الاحلام
وحلمك الوحيد انى اكون انسان وعايش سعيد
وراضى بالمكتوب من كتاب الايام
نفسى اعوضك عن كل الى فات
بس يارب اقدر ارد ليكى ولو جزء صغير
من كل الى انتى عاملاه
فتحت عينى لاقيتك اقدامى
بطبطبى على كتفى وبتقولى ده روحى
وروح قلبى الى كان مستنى من زمان
مستنيه يجى وتعيشيه فى اجمل الايام
يا اجمل واحن انسان شافته عنيا
وبيحلم انك تعيشى سعيدة وراضية عنه لباقى الايام
سلامى اليكى يا امى يا اجمل واحلى الامهات

----------------------------------
-------------
--