خلص الكلام

خلص الكلام وابتدى الالم من هجر الاحباب

مكنش ذنبى ولا ذنبه لكن هى الدنيا كده بتاخد

وتقول هات كمان

ده انا موجود علشان احرم القلب من كل الفرح وجمال الايام

ليه كده يا دنيا عايزة ايه تانى كمان

يارب صبرنى و اجعلنى من اهل النسيان

نسيان الحلم الى كان كل الاحلام

مش عارف انا هعمل دلوقتى ايه فى الايام

ايام كلها الام وعذاب وحرمان

كان احساسى صادق بس واضح انه طلع مجرد كلام

كلام مكتوب على سطور اوهام فى اوهام

تقلب الصفحة تلاقيها ابيض من لبن الاغنام

ولا كائنك كتبت ولا حسيت بحب فى هذا الزمان

كنت حاسس انه مستحيل وبرده قولت نعيش الاحلام

وفوقت لقيت نفسك وحيد ومليان احزان

يارب صبرنى واجعلنى من اهل النسيان

هنرجع تانى ونعيشها ذكرى لباقى الايام

وتانى تانى نقول كمان كلام؟؟

هنقول ايه تانى كمان ما قولنا خلاص خلص الكلام

كنت خايف من البداية طلعت حدوتة مرة وكلها الام

خلصت خلاص كل الكلام و خلصت الحدوتة

توتة توة خلصت الحدوتة

يا ترى كانت حلوة ولا ملتوتة يا اهل الايمان ؟؟