يا ترى
وانا بعيد بحس انى وحيد بحس بشوقى ليك
بحس الدنيا ديه متسواش غير نظرة من عينيك
عدت عليا اوقات كتير كنت انسان ضعيف
كان عامينى حجات كتير وكنت بخاف لفراقنا يكون اكيد
كنت شايف الدنيا بعيون حبيب وكنت راسم احلام كتير
كنت راسم ليكى صورة اجمل من نهر النيل وكان ملهاش اى بديل
كتر القسوة والبعاد نسيتنى احلامى وكل شىء جميل
كنت لما بقابلك بيقتلنى شعور جميل و قلبى بيرفرف لما احس انك قريب
شوفتك قريب ومحستش شعورى الى كان بيعذبنى زمان كتير
مش عارف اتعودت على الفراق ولا مكنتش حبيب قلبى الاسير
بتصعب على نفسى وانا مش حاسس بحاجة زى الى كان زمان اكيد
يا ترى لسة بوهم نفسى بالمستحيل ولا مفيش مفر ولا بديل
مش استسلام لكن ده احساس صادق وشعور كان مدفون من سنين
يا ترى فين الجواب الاكيد الى هيدلنى على العنوان الصحيح
مش فاقد الامل لكن احلامى اتبخرت من زمان ومفيش وقت كتير
لازم ابدأ حياة حقيقية ومفهاش وهم جديد لازم ابنى ومهدش امل جديد
سكوتى مش ضعف ده فيضان مكتوم وفى اى لحظة ممكن يهيج
دلوقت براجع حساباتى ولازم اعرف حسابى صح ولا اعيد من جديد
كلامى مش لغز ديه رسالة وهتوصل لقلبك لو ليا فى قلبك حنين
مفيش وقت كتير ولازم يكون فى جواب صريح مش مجرد دلائل والغاز كتير
يا ترى ليا مكان فى قلبك ولا خلاص شىء اسمة ونصيب
لامتى يا قلبى هنفضل كده لازم نفوق ونشوف لينا اى بر امين
يقبل يكون لينا مرسى ويظلل علينا واكون ليه اجمل اسير
تعليقات
إرسال تعليق