طير جريح

طاير بغنى فوق السحاب

فارد جناحى وناسى العذاب

بغنى موال ليلة وداع

طاير بدارى جرحى الأليم

بضحك وقلبى جواه حزين

طاير وحلمى ضل الطريق

طاير لوحدى واملى فى لقاه

مقدرتش اوصف جمال عنيه

ولا حتى فاكر لمسة ايديه

نسيـــــت فى لحظة كل الى كان

نسيــــــــت عذابه وكل الالم

جرحلى قلبى ومس كرامتى من غير كلام

سامحته تانى ونسيــــــت اوام

بدعيله ربى يفضل سعيـــــــــد

وأذا كان سعادته فى بعدى عنه هفضل بعيد

هفرح لفرحه ده نور عنيه

وعشان بحبه هغفرله ذنبه

مكنش يقصد يعذبنى جمبه

واثق فى حبى وعشان بحبه

هطير لوحدى وهفضل اغنى

هقول يا ليلى عديلى ويلى

نسينى حبه وارحم دليلى

طاير بغنى لامح فى قلبى صرخة حبيب

املى ندهلى وقالى امشى خلاص حبيبك راحل بعيد

طاير لوحدى اسير فى حبى

ملكته قلبى مقدرش اطلب شىء مستحيل

قلبى هواه ملكه فى ايديه

عايز اقوله ادينى قلبى لكنى قلبى ميغلاش عليه

طاير لوحدى وانا طير جريح

فارد جناحى ورافض اعيش

ادخل ودوس ليك وشاركنا برأيك فى  بيدج أحلام على الوريق 

https://www.facebook.com/5oater