مين فينا هيختار !!!

مين فينا الى أختار @@@ ولا ما كان فى قرار

سبنا احنا الاقدار @@@ بيسوقها الاعصار

عشنا احنا الايام @@@ بقلوب فيها دمار

حتى فى حب جديد @@@ خوفنا انه يضيع

ونسينا الاحساس @@@ وظلمنا الاشعار

الحب ده غلاب @@@ وكيان للإنسان

مين فينا هيختار @@@ ولا نصيبنا مرار

بهرب لما بشوف @@@ انى انا قلبى احتار

نفسه يقرب ليك @@@ ويكون جوه عنيك

لكن الماضى عذاب @@@ خلاه يولع نار

انا عاشق فى كلامى @@@ وبخاف من أحلامي

خايف لما افوق @@@ ألقي الحلم ضباب

انا للماضي نسيت @@@ وللمستقبل جيت

فاتح قلبى انا ليك @@@ بحلم لى تختار

بس انا خايف اقول @@@ تهرب عنى بعيد

وأخسر أنا فى جديد @@@ بس هكون صبار

وهسيب الايام @@@ تجمع شملى أوام

فى الوقت اللى يكون @@@ لو هيكون فى نصيب

مش كل الاحلام @@@ تبقى فى يوم اوهام

ولا انا فى الاحلام @@@ بحلم حلم محال

بسئل نفسى كتير @@@ انا بالنسبه له ايه

وبقول باله مشغول @@@ ولا ما شىء فى البال

فى كل طريقنا خيار @@@ وقولبنا ب تختار

بس يا ترى فى قرار @@@ نتجمع فى نهار

ولا نعيد الكرة @@@ ونلوم الاقدار