هتاف وعويل !!!
هتاف وعويل وكله بينشد المواويل
كلام جرانيل ومليان جواه الأقاويل
يعيد ويذيد كأن الكلمة فيها نشيد
بقول هصبر ولازمًا يجى يوم ويصيب
هتاف مفحوم بألحان ليها مليون لون
صراحة العقل كان مشغول وكله هموم
ولما سمعته بينادى صحيت طار منى طعم النوم
هنبنى ونبدأ الإعمار بدئنا الخطوة للمشوار
وكله كلام بقيت موجوع وحيرتى تبلغ الأيام
ومستنى الفرج بأوان وهوزن الكلام بميزان
هتابع كل انجازه وهحكم فيه بالإمعان
وللحق هكون فارس فى كل مكان
ولازمًا فوقا ونصحصح نراقبه لو هيبقى لئيم
وهنتابعه عشان لو كان بيستقوا له بالشيطين
نعلى الصوت ونصرخ ونقول يا رحيم
ونقطع جدره ليسوس فى باقى الزرع
هنبقى القاضى والحاكم على الحكام
وعمر ما ترجع الأيام لحاكم يوم ضميره نام
وداس على شعبه ذاده الام وكنا فى نظره زى النمل
خلاص دلوقتى فاق الشعب وثار وبصوته قال الوعد
يقول ويعيد ماهوش ساحر ولا دجال
وكل الجهل مات فى القهر والإذلال
وناس صامتة خلاص دلوقتى ليها لسان
وصوت العقل هو اللى يقول أحكام
هتاف وعويل ما حد هتخدعه الأقاويل
وهيبان اللى كل كلامه فيه تزوير واصله حقير
من اللى هيبقى كل كلامه فعل وجد
وشاهد بكره بينا هيبقى فصل وحد
تعليقات
إرسال تعليق