زيارتى لبيتك
يا اللى قادر انك انت تشوف مشاعرى
جيت لبيتك نورى طيفك
جى محرم من ميقات حددته ليا
جى ازور بيتك وادى العمرة ديا
ومناسكها اربعة ما فيها قسية
فيها رحمة ومغفرة وتوبة هنية
أول الأركان هنحرم بالرداء لبيض بنية
وفى طريقى لبكة ألبى بصوت جليا
لبيك ربى الأرض والسما العليا
واما اوصل للحرم قلبى يرفرف
والسواد اللى ماليه لونه يبقى اخضر
تبقى زرعة جديدة تحلم يوم ما تكبر
يبقى عنها الرب راضى وعنها يرحم
وادخل الحرم الشريف وارفع ايديا
وادعى دعوة لما اشوف اجمل هدية
كعبة الله الشريفة اللى فى عنيا
تانى ركن الطواف حوالين ربوعها
سبع اشواط وانا متوضى بدموعها
زمزم الطاهرة اللى بتنور ضلوعها
يوم ما هاجر الكريمة ساعيا بتدور بطوعها
لما سيدنا اسماعيل احتاج طلوعها
جيه ملك بأمر ربه أظهر جموعها
تالت الأركان هنسعى بكل قوة
مـ الصفا هتكون بدايتنا لمروة
سبع مرات زى ما طوفناها جوه
يبقى فاضل ركن واحد اللى هو
حلق شعر الراس ويبقى نهينا جوه
واخلع الاحرام واتحلل بفرحة
عمرتى للبيت ديه جوه القلب طارحة
رحمة من ربى الكريم فيها المسامحة
ربى اتقبها منى احفظها عندك
انا عبد ذليل ولا اقدر يوم اعاندك
آمنت بيك ربى وببشيرك وعبدك
يا مثبت عقلى وجوارحى فى قلبى
يااللى قادر انك انت تشوف مشاعرى
جيت لبيتك نورى طيفك
انت داعيتنى وانا لبيت وجيتك
ادخل ودوس ليك وشاركنا برأيك فى بيدج أحلام على الوريق
https://www.facebook.com/5oater
تعليقات
إرسال تعليق