الصبر جميل

مش فارقة كتير
احلام معتادة عـلى التأخير
وانا فيها اسير
وبدارى الحزن جوه البير
وبيظهر وقت ووقت يطير
مش فارقة كتير
كل ما اقول هانت يبقى خطير
والحمل اللى بشيله كبير
وبقول بكره فى نور الصبح
وقت ما شمس الدنيا تهل
قلب العاصى يلين ويميل
ويحس بكل اللى انا شايله
ويقدر حيرتى فى عمايله
ويفتح باب قلبه بضمير
مش فارقة كتير
لو حلم اتأخر عن وقته
او حلم كان فوق طاقته
او اصبح طعمه مرير
كل ده بيهون لما بحبه
وبنّسى القلب جفا قلبه
وبخلقله الف عذر يسير
مش فارقة كتير
لو كنت لوحدى انا فى حبه
وكان رافض انى اكون جمبه
فانا هافضل ادوب فيه واسامحه
ولا هقبل اسمع ولا تحذير
وماليش تبرير
الحب مالوش وقت يجيبه
ولا ليه تفسير مين اللى حبيبه
لو حبيت تعرف حاجة عنه
او تعرف معناه ومعالمه
لما هتهرب منه تجيله
مش فارقة كتير لو هتعاند
وهتهرب منه وتتخانق
اصل ده مكتوبلك بالملى
وبيقولو عليه ده قدر ونصيب
مش فارقة كتير
انا همشى لكن ابدا ما انسى
وهعيش واستناه يوم يرسى
وساعتها هغنى باحلامى
موال مليان بكلامى
واعزف بكمنجة وربابة
فى الزفة اللى هكون وياها
وبصوتى انا هصرخ واقولها
لا فارقة كتير
انا حبى ليكى بقيت فيه اسير
وعشان اتحرر من سجنى
وافك زمام اللى حاجزنى
واعدى جسور حايلة ما بينا
واكسر السور اللى حايشنا
فنا هفضل صابر للاخر
والصبر جميل

ادخل ودوس ليك وشاركنا برأيك فى  بيدج أحلام على الوريق 

https://www.facebook.com/5oater