ضحكتين ^_^ & ^_^
ضحكتين ملونين
واحدة صفرة على اليمين
واحدة تانية من الانين
حلمه ابسط مـ البساطة
شوهت ملامحه السنين
دمعة رافضة للنزول
كل جرح فى ليل يطول
لسة ثابت على الحنين
ضحكتين ملونين
ضحكة صفرة على اليمين
وواحدة تانية من الانين
سفره طول فى الرحيل
جوه قلبه شيئ جميل
شيئ لا يقدر يوصفه
حلم شبه مستحيل
كله واقف ضده دايما
رغم ده مش حزين
كل وقعة وليها قومة
كل ضربة بتحجمه
كل شده بتلجمه
لسة صوته قادر يثور
لا و لا والف لا
لا ولا والف لا
مش هسلم للفشل
مش هنخ واقول حياة
الحياة بالأمل
والهدف هو الحياة
كل حلم وله معاد
كل زرع وله آوان
اوعى تبقى فى يوم جبان
او تسلم للهوان
خلى وياك ضحكتيتن
يبقو سندك فى العنين
ضحكة صفرة لمين عداك
ضحكة تانية لمين معاك
ليه مكشر ليه حزين
يلا اضحك ضحكتين
ادخل ودوس ليك وشاركنا برأيك فى بيدج أحلام على الورق
تعليقات
إرسال تعليق