قلب عجوز
قلبك عجز ..
روحك بتنازع ملك الموت ..
فى الاوضة ومن فوق تسريحتك ..
فيه شيئ مخفى ..
عمال يشاورلك فى مرايتك ..
وبيصرخ من جواها بعلو الصوت ..
قلبك متسارع نبضاته ..
عمال بيسرع ويسرع..
شكلك هتموت ..
و بيسئل على كل عمايلك ..
مين قبل ما تقفل باب اوضتك ..
كنت مخاصمه ...
الذنب اللى بتخفيه دايما ..
كان فوق طاقته ..
فـ هتعمل ايه ؟؟ !!
قلبك مسكين !!
محتاج برشام فيتامين ..
ومسكن بالغ الدرجة ..
من كتر جراح البنى ادمين ..
الغنوة اللى فى طرف لسانك !!
لسه ما كملتش ..
ايه اخر سطر هتكتبه ..
بتقول معلش !!
معلش لمين ؟؟
فيه ضوء خافت ..
شبورة بتنزل قدامك ..
والعين بتغير الوانها..
وشريط الماضى قدامك ..
عمال بيكر ..
ريقك بقى مر ..
طراطيف رجلك ساقعة من البرد ..
شكل الروح لمت دفاترها ..
بتطلع منك ..
لسة فى لسانك كام كلمة
ساكتة ومحبوسة ..
ليه بعنيك بتبص فى ساعتك ..
مافيش وقت ...
لساك متردد تنطقها !! ؟؟
هتموت دلوقت ..
لساك متمسك بعنادك !!
ملك الموت واقف قدامك ..
عمال يضحك ..
فى حجات بتطير حوالين منك
شكلها عصافير ..
ده خيالك واسع للدرجة
روحك بتطير ..
الوقت المسروق من عمرك
كان وقت قصير ..
العمر المسروق مش راجع
والوقت المهدور بيراجع
على كل دقيقة انشغالات ..
والفرصة خلاص قفلت بابك ..
مش هتقدر تنده احبابك ..
ندمك اهو فات ..
الروح وصلت لفوق صدرك
خد نفسك قول اخر ذكرك
بتقول ايه ؟؟ !!
مش سامع غير حرف مكسر
انا ايه ....... !! ؟؟
الأوضة بقيت شبورة سودة
ودموع نازلة ..
القطر يفوت ..
كان ايه المفروض !!
كان حابب ينطق ويقولها
واجلها كتير ..
ايه الاسباب ..
كان خايف وقت اما يقولها
تنكسر الروح ..
لا انكسرت روحه وفارقها
و الروح راحت للى خلقها ..
روحك بتنازع ملك الموت ..
فى الاوضة ومن فوق تسريحتك ..
فيه شيئ مخفى ..
عمال يشاورلك فى مرايتك ..
وبيصرخ من جواها بعلو الصوت ..
قلبك متسارع نبضاته ..
عمال بيسرع ويسرع..
شكلك هتموت ..
و بيسئل على كل عمايلك ..
مين قبل ما تقفل باب اوضتك ..
كنت مخاصمه ...
الذنب اللى بتخفيه دايما ..
كان فوق طاقته ..
فـ هتعمل ايه ؟؟ !!
قلبك مسكين !!
محتاج برشام فيتامين ..
ومسكن بالغ الدرجة ..
من كتر جراح البنى ادمين ..
الغنوة اللى فى طرف لسانك !!
لسه ما كملتش ..
ايه اخر سطر هتكتبه ..
بتقول معلش !!
معلش لمين ؟؟
فيه ضوء خافت ..
شبورة بتنزل قدامك ..
والعين بتغير الوانها..
وشريط الماضى قدامك ..
عمال بيكر ..
ريقك بقى مر ..
طراطيف رجلك ساقعة من البرد ..
شكل الروح لمت دفاترها ..
بتطلع منك ..
لسة فى لسانك كام كلمة
ساكتة ومحبوسة ..
ليه بعنيك بتبص فى ساعتك ..
مافيش وقت ...
لساك متردد تنطقها !! ؟؟
هتموت دلوقت ..
لساك متمسك بعنادك !!
ملك الموت واقف قدامك ..
عمال يضحك ..
فى حجات بتطير حوالين منك
شكلها عصافير ..
ده خيالك واسع للدرجة
روحك بتطير ..
الوقت المسروق من عمرك
كان وقت قصير ..
العمر المسروق مش راجع
والوقت المهدور بيراجع
على كل دقيقة انشغالات ..
والفرصة خلاص قفلت بابك ..
مش هتقدر تنده احبابك ..
ندمك اهو فات ..
الروح وصلت لفوق صدرك
خد نفسك قول اخر ذكرك
بتقول ايه ؟؟ !!
مش سامع غير حرف مكسر
انا ايه ....... !! ؟؟
الأوضة بقيت شبورة سودة
ودموع نازلة ..
القطر يفوت ..
كان ايه المفروض !!
كان حابب ينطق ويقولها
واجلها كتير ..
ايه الاسباب ..
كان خايف وقت اما يقولها
تنكسر الروح ..
لا انكسرت روحه وفارقها
و الروح راحت للى خلقها ..
تعليقات
إرسال تعليق