الوقت الضايع

وبحكم الوقت الضايع
بطلت احسبها بكام ؟؟
ضيعت عمرى عليكى
ولا مرة شعورك بان ..
ضميتك كنتى فى ريحنا 
إحساسك تاه فى المحنة
وطلعتى من الأوهام ..
دورت ياما عليكى
علشان امسك فى ايديكى
وارسم بيا وبيكى
الباقى من الأحلام ..
أنانية غرورك قاتل
وضميرك مخفى بساتر
وعيونك ياما بتخدع
وحنينى ليكى اتهان ..
حظك مبقاش فى ايديا
ونصيبك داب فى عنيا
بسئل ليه بتلعبى بيا
حلمنا فى عيونك هان ؟؟
وبحكم الوقت الضايع
مبقتش كتير أتكلم
ولا عمرى حسبتها كام !!