وهم وعايش انا ليه فيه !!!

وهم وعايش انا ليه فيه ... وامل جوايا ومتمسك بيه

كدبه بصدقها واعمل انا ايه ... وهم ومبقتش اقدر عليه

وبشوف حجات واسكت انا ليه ... واخبى اهات وبغير لعنيه

واصرخ وانا ساكت وبدارى كتير ... واشكى وانا حاسس انا وحدى بعيش

وعزيز على قلبى وانا ليه ما عزيز ... وبغنى فى صبرى بكلام مواويل

بتعب وانا بكتب وكلامى كبير ... بيصدق غيرى وكلامى رميه

فى حاجة غريبة شكلى الغلطان ... وكلامى ليها بيبان غرقان

وحروف بتنادى تنده ما تبان ... وعبارة جميلة مفهاش إمعان

بشقى فى كلامى علشان يتصان ... واتعذب وحدى علشان انسان

وابكى من حبى ودموعى ملام ... بمسح لى دموعى وارجع اناديه

صابر على جرحى وانا صبرى عنيد ... وبيشكى منى وانا خالى الايد

يتقال من وهمى وبقول ده حبيب ... قصتى فى خيالهم قصة وهمية

حدوتة كبيرة مفهاش حرية ... بعند وبكابر وبقول احلام

بكره هيجيلى يبقالى امان ... وتعيد الضحكة وتبقالى حنان

وتنور عينى وتمحى الاحزان ... ببكى و انا وحدى وبخاف من وهمى

اوهام تحلالى وخياله فى بالى ... والبال محتار بين جنة ونار

يشتاق للقرب يشتاق لعنيه ... وبيحلم بيه فى نهاره وليل

اوهامى فى حبه وبأيدى انا ايه ... انا وهمى زرعته و فى قلبى راعيه

كان وهمى انى انسى وبعيش حواديته ... انا وهمى عذابى لكنى نصيبه

مش عارف احلم غير بالاوهام ... علشان انا عارف انها احلام

هحلم بلقاه من غير ما انام ... وهاعيش لرضاه وهعيش فى هواه