خواطر قلم !!!

كانت الاحلام ببلاش لما انا كنت صغير كنت فى كل الايام فى الحلم كتير اغير مره احلم اكون فنان ارسم رسمة تحير مره احلم اكون طيار امسك ورقة واطير مره احلم اسوق عربية بغطا الحلة ادير كانت اجمل ايام ومافيش حلم مجير وامانى كتير بتبان فى عيون طفل صغير وحلمت املك شركات واكون ضمن البشوات ومعايا فلوس بالكوم ويقول ده ابن ذوات وامسك فى ايديا الكاس ببسى كأنه كونياك واضرب الكاس فى الكاس واقول صحة يا استاذ مثلت الحلم بجد وكأن الحلم بجد عيشت انا نفسى فى فلم وفى كادر الصورة بعيش محسوب انا مـ الدراويش طفل ولا حرج عليه سيبو يلعب ابن الايه لما هيكبر هيحن للعب فى عفش البيت وكبرت بسرعة اكيد واتزحمت المواعيد كل الاحلام بتعيد لكن من غير الفلم وظهرلى فلم جديد ملهوش ابدا عنوان ولا حتى ملامحه تبان كانت الاحلام الوان دلوقتى انعدم اللون واللى زمان كان ببلاش دلوقتى بقى بحساب وحسابه سنين العمر وافراح يغلبها الجبن والشعر الابيض بان شيخوخة صابت انسان ما اتبقاش من احلامه غير فلم كان بطله زمان ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

الليلادى وكل ليلة لسة مستنى المعاد وانهاردة احلى ليلة نفسى اهديكى الوداد ليلة الحب الجميلة يتشفى فيها كل داء لو حنينى قليل عليكى لازم اجوب البلاد واسعى فى الارض البعيدة عشان اكون قد لقاك نفسى اقولك انت كلك ليك مكان جوه الفؤاد ولا بنسى ولا بسمح احب غيرك مـ النساء يلى ساكنة بعيد تعالى هفرش الارض سحاب وانسج الحب وربوعه على اوراق العناب واقطف احلى  وردة ليكى فيها الوان الشباب اديى نفسك فرصة تانية تحس بمشاعرى بحساب هتلاقينى هكون حبيبك ونصيبك اللى جاء له بأيدك تبنى حاجز يمنع النور بالعناد سيبى نفسك واسمحيلى اقول بحب من غير عتاب واهدى ليكى دبلة فضة ودبلة دهبى وخاتم وخلخلال واطلب المأذون يتمم وشهود عقد الجواز الليلادى وكل ليلة بدعى ربى انول رضاء والليلادى احلى ليلة لو كسرتى حاجز البعاد ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

معرفة القصة وعنوانها بتتلخص فى سطور وقصيدة وكلام فى الحب بيتغنى ورسوم منقوشة على الحيطة ونغم متلحن بكمنجة فى سهراية جميلة ولذيذة مع مشروب سخن وكمان ساقع ويا سلام لو شاى فى الخمسينة القصة فيها فكرة بتلفت احاسيس مدفونة فى التغريبة نفسها تتحس وتتهنى بمشاعر صادقة وبسيطة لكن الدنيا بتظلمها وبتكلبش فيها فى التخشيبة وبتجرح وتهد كيانها ولا حاسة حتى بتنهيدة وكانت الاحاسيس من طفلة حلمها تكبر تبقى طبيبة وتداوى قلوب حبها منسى بمشاعر مكبوتة وطيبة وبايدها تطيب اوجاعها وتمسح دمع فى عينها نزيفة احلام الطفلة بتتنوع منها تخرجهم مـ الديقة وتقرب حبيبين افترقوا بسبب الإهمال او الغيرة الحلم ده مش حلم انانى لكن الدنيا عليه حويطة والشح فى طبعها بيعاند ولا راضية بنهاية سعيدة واتصابة الطفلة بمرضها وسجنت احلامها فى تأبيدة والطفلة لما خلاص كبرت لقت الاحلام فيها بليدة ولا قدرت تنجز حاجة منها ولزقت لون اسود وشريطة على صورة كانت فى خيالها متبروزة على لوح فبريكة وقرأت الفاتحة قالت يرحم الاحلام كت احلى صديقة فارقت الدنيا وجبروتها بإعلان اعدام جوه جريدة وما تبقى حاجة من ريحها غير سطر فيه كلمة وقصيدة ادخل ودوس ليك ...

الخط الاحمر بيطول واللون الغامق مـ الاول مش لاقى بديل والصفحة اللى بحاول افتحها مش لاقى ابدًا مفتحها بكتب غلافتها بقلم تحديد وبحوش سطر وكام كلمة على معصم ايدى بدونها علشان الصفحة املاها مكاتيب مش لاقى مكان تانى فى ايديا قولت اكتب على قلبى باقية واتارى القلب فارقنى بعيد راح للى بحبه وبتمنى علشان حاسس انه فى جنة وفارقنى وسابنى قلبى وحيد ورجعت بفكر من تانى اكتب فين كل اللى فى بالى قولت اكتب تحت الجفن بخط خفيف جيت اكتب الكلمة اتمسحت واتبقى شوية بوش نصعت اصلها مكتوبة فوق دمع نزيف طب اعمل ايه انا مش عارف احترت بقيت فيها انا خايف حسيت ربنا ليها ما بيريد فعاندت وقولت انى هكمل وهدور من تانى مـ الاول على اى مكان فى الجسم صريح احترت وذادت فيها حيرتى ودخلت انام جوه فى اودتى  وفى لحظة جالى حل فصيح ومكانش فصيح للدرجادى ده جنان وده كان فوق العادى لكن مش فارقة مدام هيعيش ونزلت بسرعة من بيتنا ووصلت لاخزاخنة جارتنا قولتله ادينى ما تقولى مافيش قالى انت عبيط ولا مدروش ولا بتشرب اللى يدوخ قولتله والله انا عقلى حديد قالى طب عايز ايه يا ابنى قولتله عايز مشرط بمبى اصل حبيبتى ده لونها التفضيل واخدت الم...

الفرحة جاية لكن  ممانعة اكون سعيد علشان حبيبى  لسة بغيابه عنى بعيد كان نفسى تكمل فرحتى ويكون قريب وفى بسمته وبضحكته احس انى مولود جديد ده هو حزنى وهو فرحى وبقربى منه بكون فى عيد عشمان انولها واعيش واطولها ولا اكون فى يوم عنها غريب وتحس ويايا بفرحة وتعيش معايا عمر مديد هى المحبة وهى الامانى ورحلة الجى اكيد ونبض قلبى وهى الدموع لما فى عيونى بحور تسيل هى السعادة وهى العبادة وجنتى وهى الدليل وحتة منه لا هى كلى ووردة مغروزة فى الوريد ونسمة طالة فوق السحاب وياها الشمس راح تغيب كان نفسى وقت اللحظة ديه تشاركنى حلمى هاكون بجد فعلا سعيد ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater