دليل إثبات الحب
الخط الاحمر بيطول
واللون الغامق مـ الاول
مش لاقى بديل
والصفحة اللى بحاول افتحها
مش لاقى ابدًا مفتحها
بكتب غلافتها بقلم تحديد
وبحوش سطر وكام كلمة
على معصم ايدى بدونها
علشان الصفحة املاها مكاتيب
مش لاقى مكان تانى فى ايديا
قولت اكتب على قلبى باقية
واتارى القلب فارقنى بعيد
راح للى بحبه وبتمنى
علشان حاسس انه فى جنة
وفارقنى وسابنى قلبى وحيد
ورجعت بفكر من تانى
اكتب فين كل اللى فى بالى
قولت اكتب تحت الجفن بخط خفيف
جيت اكتب الكلمة اتمسحت
واتبقى شوية بوش نصعت
اصلها مكتوبة فوق دمع نزيف
طب اعمل ايه انا مش عارف
احترت بقيت فيها انا خايف
حسيت ربنا ليها ما بيريد
فعاندت وقولت انى هكمل
وهدور من تانى مـ الاول
على اى مكان فى الجسم صريح
احترت وذادت فيها حيرتى
ودخلت انام جوه فى اودتى
وفى لحظة جالى حل فصيح
ومكانش فصيح للدرجادى
ده جنان وده كان فوق العادى
لكن مش فارقة مدام هيعيش
ونزلت بسرعة من بيتنا
ووصلت لاخزاخنة جارتنا
قولتله ادينى ما تقولى مافيش
قالى انت عبيط ولا مدروش
ولا بتشرب اللى يدوخ
قولتله والله انا عقلى حديد
قالى طب عايز ايه يا ابنى
قولتله عايز مشرط بمبى
اصل حبيبتى ده لونها التفضيل
واخدت المشرط وانا ساكت
اصل الصيدلى شافنى مشاغب
ورجت بسرعة للبيت بيه
وفضلت بفكر وبراجع
وبقول والله ما هتراجع
لازم اكتب كل اللى بداريه
انا عارف هتكون اخر كلمة
والحيرة اوصفها ازاى بنا
مش لاقى فى المعجم اى دليل
فخلاص مش هتعب فيها نفسى
انا هكتب كل اللى فى نفسى
هكتب كلمة حقيقة ما تمثيل
هكتب كلمة انى بحبك
هتبين ليكى انى بودك
على لون دمى ببنط عريض
ومسكت المشرط من تانى
وقطعت بأيدى شريانى
وكتبت على الدم النازل مـ الوريد
انا عارف انى بموت دلوقتى
لكن مش فارقة مدام قلبى
ويا منك محفوظ وسعيد
والكلمة اللى كاتبها بدمى
بتمنى يتسجل اسمى
على اول صفحة فيها بالتحديد
دلوقتى هموت وما هتألم
علشان موتى اللى هيتكلم
وهيشهد ليا انى شهيد
الخط الاحمر بيطول
والدم لونه ما بيتلون
ودليل الاثبات متسجل فيه
ادخل ودوس ليك وشاركنا برأيك فى بيدج أحلام على الوريق
تعليقات
إرسال تعليق