خواطر قلم !!!

طول الوقت بتبقى خدوم ولا مستنى مصلحة يوم هتعيش ميت جوه الواقع لكن بعد موتك هتقوم وهتتسجل فى الحكايات وهيكتبه فيك الروايات كنت فى دنيتهم يوم منسى واما هتمضى كشف وفاتك هيسجلو اسمك ويدوم ما تدورش كتير فى دفاترك وارسم بالريشة اللى فى ايدك على جدران الوقت فنون هى اللى هتشهد على كرمك اقوم يلا وشيدلك هرمك حتى ولو كان فى البدروم مش مشكلة فينه دلوقتى اصبر لسة ظهوره ده بدرى بكره هيطلع يوم فى النور عايش ميت لسة ما بينهم ووجودك ولا حتى شاغلهم لكن صدق واسمع منى لما يشوفوا النعش هيبكوا وهيفضلوا عايشين فى هموم وهيندموا لكن متأخر وفراقك ليهم هيئثر ووجودك وقتها مفهوم هيكون عضمك هو الميت وتعيش روحك بينهم جيد وتكون غايب بينهم حاضر ولا هتكون بعدها معدوم ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

عاقلة وراسية  اقدر اقولها بدون تفكير اول مرة اشوف وياكى الصبر جميل سيرة الحب بترسم قلب  ووردة جميلة وفى احلام هتعيش يوم بينا  وهى كبيرة هقدر اغنى وانا وياكى بصوت منشود هصرخ وانده اقول بعشقها  بحس ودود هتقولى لأ فهفضل اعند  وارجع ليكى وتعيدى فيها مليون مرة  ولا انسى عنيكى واما احاول المس ايدك  تبعدى عنى ويبان فيكى خجل ربانى لونه وردى وتغيظى فيا وتحرقى دمى بكل برود لكن هرجع تانى واقولها واكون مخضوض خايف تقسى وتيجى عليا وتجرحى فيا وتدمرى احلامى الجاية بكلمة قسية بس انا برده هسامح تانى وارجع ليكى بكل حنانى علشان وقت ما حبك قلبى واتمناكى تكونى حلالى كان واثق ده المفروض ليه بتخبى عنيكى عنى وبتهربى دايما منى طب ما تجاوبى بالمطلوب فيكى رساوة تهد الكون عقل رزين لكن مجنون تقل وصنعة وقلة حيلة ورغم ده كله فيكى بدوب عاقلة وراسية وده اللى عجبنى لكن مشكلته انه حاجبنى عن ان اوصف فيكى بيوت شعر  وقولته غنا وغنيته وحاولت ادخل من باب بيته مالقتش الباب كان مردود مقفول بالضبة ومفتاح وماشفتش منه اى سماح قولت ادقدق مرة اخيرة جايز اخلص من الحيرة طلع العنوان مش مظبوط ...

فى اللعبة انا بطلع خسران وبمثل دور الكومبارس فى الفيلم اللى انا اصلا بطله اصل الموضوع مش فزورة انا بطلع بايش فى الصورة وملامحى دايمًا مكتئبة علشان الصورة كانت فاجئة معاملتش ليها انا اى حساب ظهرت واتاخدت على غفلة واتقرئت زى اى كتاب انا عارف فى الحب انا خايب ولا بعرف اقول انى انا دايب وقت ما افكر مرة اقولها بطلع انا من اى حساب انا طول العمر بقول هانت بتعفرت بعند واتخانق وفى نفس الوقت بكون كداب وبقول انا راضى ومش راضى وبزعل على اللى يروح عـ الفاضى وبفرح وارجع اعيش فى عذاب وارجع من تانى وبصفاله واعيد الكرة واروح داره وارجع خسران زى المشتاق انا فى مليون حاجة فى بالى   حب واشغال شغلالى حالى ولا فى ما بينهم اى وفاق انا مش عارف ايه اللى بقوله مليون معنى فى ليلى بطوله وبقول جايز يفتحوا الابواب انا دايما بطلع الاخر مش عارف ده حظى العاثر ولا المشكلة انى انا محتاج طب ما المحتاج لازم ياخد صدقة واحسانهم يداخر لليوم اللى فيه يكون محتاج انا عامل زى البلياتشو بيقف وبيلعب فوق بخته والكل يسقف عـ الاخر والضحكة بتهرب وتهاجر وماحدش حاسس بملامحه بيخبى الحزن ور...

فى عيون الليل اراكى تحلقين كبدرا زاهى يشع بالحنين فيه تتألقين وبه تتزينين يا عمرا ضعت قبله وحين وجدته شعرت بالنعيم غدا سنرى الامال ترتسم على وجوها تبتسم كفرحة الام بالجنين ها انا هنا انتظرك فوق تلائل الحشائش وفوق حصائد الياسمين كى اراكى تندفعى نحوى وتهرولى وتنورين من انا حتى اقول ها انا؟؟ الا اذا كنتى بقلبى تتمسكين فوجودى وشهادة مولدى من حين احببتكى وحين تأتين وملامح قصيدتى والحانها كلها تصفك وعلى اغلفتها اسمك وصورتك وانت تبتسمين ما معناهما وما مغزاهما؟؟ اذا كنتى اليهم تتجاهلين ماذا اقول بعدما رأيتك ؟؟ فوق اشلاء شعرى تتمايلين وترقصين هل اعجبك الشعر ام بالشعر فقط تتفاخرين هل اصبحت كائن فى قلبك؟؟ ام اصبحت عابرًا بى تستهين؟؟ ذادت حيرتى وذاد شوقى ولم اراكى تقتربين وفى كل ليلة انسج الخيال بحلمًا ووهما به استعين انظر الى السماء واقول رأيتك بين النجوم وبين القمر تتألقين هل يعجبك حيرتى وقلت حيلتى وجنونى اللذى لا يعين هل يعجبك ان احدث نفسى كل ليلة ؟؟ وانت فقط تشاهدين لايهمنى مادامت روحى تهواكى ونبضى يضخ بحبكى ملايين فحبى اليكى ذنبًا لا يغتفر وبه اصبحت من العاصين فنحن فى زمنًا ممسوخ لا يعترف...

مليون جواب والفين قصيدة ومتين حكم جوه النتيجة وحظك اليوم فى الجريدة بيقول كلام غير الحقيقة وسماع اغانى على الاذاعة كوكتيل قديم فى كل ساعة ووحى يترجى الطلوع يطلع يقول امتى الرجوع وفرحة مغموزة بجراح ودمعة تبكى على اللى راح وصرخة تنده من بعيد تنده تقول لساك وحيد وصورة منقوشة فوق حيطان وزرعة دبلانة فى الغيطان ووسط ده فى شيئ عجيب بيجرى جوايا فى الوريد حبت حنين حبت خيال فيها المحبة والامال فيها الامانى تداوى حال اللى انكسر من الدلال وحجات كتير فوق السطور عنواين بترفض الظهور الوحى خانى وقال كلام ولما دارى ظهر وبان اصل بطبيعته على الورق شاعر وفاشل فى العلام بيقولوا ان الصبر خير ومعاه مفيش محال يطير وكل شيئ جايز يصير بكتب واقول اى كلام ولا ليه صلة بأى ميزان وفضفضة بتجلى الودان بتصطل الوعى تمام من الحكم حكمة حكيم اواعاك تخبى الحنين اصرخ وغنى على الملاء كتم الجراح جوه الفؤاد بيأذى قلبك بالانين والفضفضة عـلـ المسطبة فيها الدوا من داء لعين مليون كلام مليون غنا واصفة مشاعر قلبنا بتداوى جرح وتمدنا قوة وعزيمة فى الصميم ادخل ودوس ليك وشاركنا برأيك فى  بيدج أحلام على الوريق  https:/...

بتصدق وتعيش الحلم بكل جنون وبتفضل قدامه ملاك وبقلب حنون وبتسرق اللحظة الجاية وبتدفع من عمرك دية وبتهديه شعر وفنون وبتنسى تحب فى يوم نفسك وبتعشق مرة من نفسك مع علمك قلبك مسجون بتغنى فوق خشب المسرح وبصورته فيها دايما تسرح وبتحلم حلمك ده يكون الفكرة مش دبلة وخاتم ولا حدوتة بيها بتتلائم الفكرة فيها مليون لون انا عارف انك مش راضى حبك ده يضيع عـ الفاضى صدقنى ده قدر مرسوم اخلق فرصة جديدة لقلبك بالعزم وبعندك ابدأ حاول مرة فمرة هتوصل جايز بكره يكون ليك يوم وما تسرحش كتير بخيالك ولا تتعلق يوم بأمالك واحسن ظنك برب الكون صدقنى مهما هتستنى هيجى اليوم وفيه هتتهنى ولا هتكون ابدأ مهزوم عيش وبقلبك صدق حلمك خلى العقل يفضل جمبك بيهم يتداوى المهموم   بكره هتعرف قيمة صبرك لما تشوف اللى شارى قلبك والاحلام تبدأ تتحقق وتلاقى الفاول بقى جون ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

متعود تحلم وتكابر وتصدق حلمك متعود تمشى وتسافر وبتنشر فنك وبتسئل مين المهتم ومين اصلا شارى الفكرة مين الممتن وبيفضل قارى علطول بتغنى وبتردد انا حبى مثالى وبتفضل كاتم وتخبى وللعشق تدارى ولا فالح غير بس بتكتب وبتبقى فى كلماتك لبلب لكن وقت الجد بتهرب وتقول ده نصيب اصلا لو كان يوم مكتوبلى كان بان التأثير فيه راح اقولك كلمة اياك تزعل انت اللى ضعيف بتعلق فشلك على نوتة وتدارى الحزن فى مخطوطة وفى لحن بريئ بطل تتشحطط فى خيالك ونسيج مسجون جوه امالك وبتحبس روحك فيه وارسم بأيدك صورة جديدة فيها لون الفرح وتنهيدة واغانى العيد متقولش الماضى ده كرهنى والبعد ده علم وجرحنى وكرهت فيه كل التفاصيل ما هو لو فيه الخير كان جالك وانصلحت وياه احوالك لكن الواضح قدامك انه مش ليك طب ليه بتكرر اخطائك وتكابر وتقول ده قرارك وهتفضل طول العمر شاريه انا حاسس بمشاعر قلبك وبحسرة دايما بتقابلك لكن صدقنى ده مش تعقيد ديه حلاوة روح واحد ميت بيطلع فى الروح بالميت ومفكر روحه هيبقى شهيد ارمى ورا ضهرك الماضى وكأنه شريط جواه فاضى ومشوش صوته على الاخر وبيظهر فى ملامحه تجاعيد ادخل ودوس ليك وشاركنا برأيك فى  بيدج أحلام على ا...

مش فارقة كتير احلام معتادة عـلى التأخير وانا فيها اسير وبدارى الحزن جوه البير وبيظهر وقت ووقت يطير مش فارقة كتير كل ما اقول هانت يبقى خطير والحمل اللى بشيله كبير وبقول بكره فى نور الصبح وقت ما شمس الدنيا تهل قلب العاصى يلين ويميل ويحس بكل اللى انا شايله ويقدر حيرتى فى عمايله ويفتح باب قلبه بضمير مش فارقة كتير لو حلم اتأخر عن وقته او حلم كان فوق طاقته او اصبح طعمه مرير كل ده بيهون لما بحبه وبنّسى القلب جفا قلبه وبخلقله الف عذر يسير مش فارقة كتير لو كنت لوحدى انا فى حبه وكان رافض انى اكون جمبه فانا هافضل ادوب فيه واسامحه ولا هقبل اسمع ولا تحذير وماليش تبرير الحب مالوش وقت يجيبه ولا ليه تفسير مين اللى حبيبه لو حبيت تعرف حاجة عنه او تعرف معناه ومعالمه لما هتهرب منه تجيله مش فارقة كتير لو هتعاند وهتهرب منه وتتخانق اصل ده مكتوبلك بالملى وبيقولو عليه ده قدر ونصيب مش فارقة كتير انا همشى لكن ابدا ما انسى وهعيش واستناه يوم يرسى وساعتها هغنى باحلامى موال مليان بكلامى واعزف بكمنجة وربابة فى الزفة اللى هكون وياها وبصوتى انا هصرخ واقولها لا فارقة كتير انا حبى ليكى بقيت فيه اسير وعشان اتحرر من سج...

فى السكة مشوارك يطول والضلمة مش لاقيلها نور بتهرب من زمن غدار تلاقى السور وراه ميت سور ---- تحاول يوم تكون قده وترسم حلم على قده وتصبر يوم يجيلك دور ----- مافيش فى ايديك غير الاحزان ووهم صنعته ليك بالام بتقنع روحك انه تمام برغم انه عليك محذور ---- تعشم قلبك المكسور بحاجة فيها شيئ منذور وعايش لسة عـ الذكرى وكل ليلة ليها بتزور ----- ولسة فى كل كتابتك تعيد فيها اللى كان فاتك وغنوة حلوة تناديها ولحن تملى محتاجك ------ زمان كان الحنين موجود قلوب مشيت بدون ما تعود ونسيوا ان الزمن بيفوت ولسة فى خلق محتاجة ------- شعاع النور شعاع وهمى فى عقل الباطنى المغمى بيرسم عـ الهوا الاحلام بدخان الشاى المغلى ------ تقولوا مهما هتقولوا تغنوا له الغنا بطوله ما عدش له معنى عند الناس غير الرقص الكنغرو ------ ماحدش عاد بيستفهم ولا للمعنى يتمكن وكل الشعر بقى سلطة على اوتارها يتعفن ----- هتقرا قد ما هتقرا وتستمتع مع الفكرة لكن وقت اما تنهيها تلاقى ان العلاقة صفر بين الفقرة والفقرة ----- وكله كلام على الماشى بيوصف اه لكن عادى بيتبرأ منه كل قاموس لكن القلب بيه راسى ------ يطول مشوارك المنظور وتكتب شعر عـ الاو...

وقولتلك كلمة بحب  ما سمعتنيش وفارقتنى قبل اما حبنا  يتولد ويوم يعيش كانت الحياة فيها الامل فيها  امانى ما تنتهيش وحلم كان رافض يموت وصرخة مالهاش اى صوت وقصة واقفة ما تبتديش رواية منقوشة فى سطور وحب بيحاول المرور وتذكرة سفره ما اعيش ماشى بدور فى الوشوش على وش تانى يكون بشوش يفتح ليه طاقة من الامل يمد ايديه وما اكسفوش قولت الحنان مش معجزة والقصة فيها موعظة والصبر اخاف مايكفهوش بقولها تانى بعشقك وفى انتظار انا موعدك نتلاقى تانى فى السهر وتحت اضواء القمر اصرخ واقول مابنسهوش عارف بأن فيه نصيب ودنيا جاية على الحبيب وزمن بيشقينا وعبوث لكنى رافض اسمعه او حتى تانى اصدقه ده اقدرنا بأيدينا ما نلحقوش هرجع واقولها انا بوعدك وبصدق قلبى انا هسعدك ولو فراقنا ده كان قدر ولعبة فى ايديك المطر همشى وهدعى ربنا ان حياته تكون هنا ويلاقى حد فى دنيته يملاها ود وما يبكهوش انا قولتلك كلمة بحب ما سمعتنيش ورغم ده قلبى ومشاعرى فى غنوتك راضية وتعيش ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

انا اللى عمرى قضيته سفر ورحيل رسمت فوق جدار الوقت حلم جميل وعشت الحلم فى عيونى وانا نايم وانا عارف بأن فى صحوى مش باين وسبت الحلم يقتلنى ويحينى يفرح قلبى فى ثوانى ويبكينى وياما شربت كاس المر وشرب المر يروينى ولما الدنيا تقفل بابها باستعبط وبعمل مش واخد بالى وبتشعبط وبتحايل وبتمايل على غصونها وبقطف وردة برحيقها بتسقينى ولما البرد يمسكنى ولما العشق يغلبنى بعيش جوه الامانى والامانى تدفينى بسافر من بلاد الغرب للمشرق بشوف اجمل عيون فى القلب تتشقلب ولما بغيب بترجع تانى تنادينى انا فى الحلم مش فارس ولا بأمير انا فى الحلم طاير فوق سواد الليل وبنشد بالغنى كلام مواويل ماليش فى اللف والدوران وبنسج بالغنى الحان بفضفض بيها عـ الاحزان وبشكى باللى يشقينى مافيش فى القلب اى ظنون وقلبى طبعه نبع حنون ولما الحب يمتلكه يكون مجنون وليه العذر ما هو طيب ولوقربت وفهمته تلاقى حبه بيطيب بسافر قد ما بسافر بتوه فى السكة للأخر بقول بكره الامانى جاية بتقرب ومستنى المعاد وبعيش وانا صابر ولسة فى السفر ماشى وبتغرب انا اللى عمرى قضيته سفر ورحيل بعيش راضى وبحمد ربى على الماضى واى نصيب ادخل ودوس ليك وشاركنا برأيك ...

فى لحظة بقول خلاص بكره هشوف نور الحياة والحلم اللى بشوفه محال هيظهر فى المجال برجع واعرف بأنه سراب ووهم وفيه خيال وبرغم ده كله بنسى واغذى روحى بالامال رحال ماشى فى سكة فيها يجى مليون سؤال بدور عـلى اجابة تهدى سر كل بال وبشوف الضلمة نور والصبح حالى بيبقى عال وبعيد الكرة تانى وكل يوم بفرح بدال ما اشوف انا لون عيونى فى حزن ويبقى حال حال الحلم المستحيل ابدا ده عمره ما كان محال فى ثانية الكون بيتغير واحزانها لزوال والصبر ده نعمة موجودة وثواب اخره المنال ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater

صدقى مين قال بحب بعد طول الانتظار صدقى لو حتى كدب اخلقى فى عينه نهار افردى حلمه الجميل وازرعيه نخل اصيل يتولد ويعيش عمار احتمال بينكم يكون احلى الحان الجنون ذكريات مهما تكون تبقى مـ النيل للفرات اوعى تفتكرى الحنين دبلة تدبل فى السنين ولا حتى سوء قرار صدقى ان اللى جى ويا حسنك يبقى ضى يبقى فى المشوار فنار صدقى بدونك يضيع يبقى حمله معاه موريع وكل احلامه فى دمار صدقى ما تصدقيش مهما يحصل يوم يعيش بينكم الحلم اللى طار ادخل ودوس ليك وشاركنا برأيك فى  بيدج أحلام على الوريق  https://www.facebook.com/5oater