رقصة الكنغر

فى السكة مشوارك يطول
والضلمة مش لاقيلها نور
بتهرب من زمن غدار
تلاقى السور وراه ميت سور
----
تحاول يوم تكون قده
وترسم حلم على قده
وتصبر يوم يجيلك دور
-----
مافيش فى ايديك غير الاحزان
ووهم صنعته ليك بالام
بتقنع روحك انه تمام
برغم انه عليك محذور
----
تعشم قلبك المكسور
بحاجة فيها شيئ منذور
وعايش لسة عـ الذكرى
وكل ليلة ليها بتزور
-----
ولسة فى كل كتابتك
تعيد فيها اللى كان فاتك
وغنوة حلوة تناديها
ولحن تملى محتاجك
------
زمان كان الحنين موجود
قلوب مشيت بدون ما تعود
ونسيوا ان الزمن بيفوت
ولسة فى خلق محتاجة
-------
شعاع النور شعاع وهمى
فى عقل الباطنى المغمى
بيرسم عـ الهوا الاحلام
بدخان الشاى المغلى
------
تقولوا مهما هتقولوا
تغنوا له الغنا بطوله
ما عدش له معنى عند الناس
غير الرقص الكنغرو
------
ماحدش عاد بيستفهم
ولا للمعنى يتمكن
وكل الشعر بقى سلطة
على اوتارها يتعفن
-----
هتقرا قد ما هتقرا
وتستمتع مع الفكرة
لكن وقت اما تنهيها
تلاقى ان العلاقة صفر
بين الفقرة والفقرة
-----
وكله كلام على الماشى
بيوصف اه لكن عادى
بيتبرأ منه كل قاموس
لكن القلب بيه راسى
------
يطول مشوارك المنظور
وتكتب شعر عـ الاوزان
بيوصف حب مش بيبان
وعايش لسة فى الضلمة
ورافض تانى انه يبان

ادخل ودوس ليك وشاركنا برأيك فى  بيدج أحلام على الوريق 

https://www.facebook.com/5oater