رحلة سفر
ماشى فى طريق وحديا شايف قلوب حوليا
راضية بنصيبها وعايشة على ذكرى الايام الجاية
شايف نصيبى بيبعد وخايف من بعده عليا
كتير قالولى انسى والنسيان طبع مش فيا
اعمل فى قدرى ايه ده هو الى باقى ليا
راضى بالصبر وخايف ليكون مش خير ليا
ماشى فى طريق ملوش اخر واخره يا مين عالم
يا يكون اخره نور يا اما يكون وهم فيا
ببنى بأيدى جسور اوصل بيها لقلب حبيب شايفه بعينيا
اخر رسالة حسيتها بتقولى قلبك مش ليا
بدأت احس بضعفى ونفسى اشوف امل تانى
امل ينور لى طريقى واحس فيه بالحنية
الحب ده شىء صعب عليا والاصعب الفراق بدون ديه
عارفين ان الحب تبادل لكن ده حبه موجود فيا
حاولت افكر وانسى لقيت التفكير شل ايديا
بطلت اكتب واصارح لاجرح بقلمى اغلى انسان فاضل ليا
طريقى طويل ومش عارف الدنيا مخبيه ايه ليا
عارف انى يمكن اكون مش مستهله لكن ده حبه كامل فيا
نفسى اشوفه واصارحه واقوله ايدك فى ايديا
نبنى جبال حب وحنان لكل ايامنا الجاية
انا مش عارف ايه احساسه غير انه خايف يكون ليا
ايدك فى ايدى تساعد وتنور لى رحلة سفر جاية
رحلة سفر طويلة عايزة قلوب مثالية
تعيش ايامها بخير وتبنى ذرية قوية
تقدر فى حياتها تعيش وتكون علامة لأجيال جاية
علامة خير ومستقبل تحافظ عليه حياتنا الاسرية
انا مش مراهق ولا بكابر انا بفكر فى ايامنا الجايه
يوم ما اخترت طريقى رسمت فيه بسمة وحرية
طريقى مش عشوائى ده طريق مرسوم بحب ومثالية
ممكن اكون خطيت خطوة غلط فى الماضى
لكنى شايف قدامى امل ومستقبل تانى
رحلة سفرى طويلة ورحلة مليانة امانى
نفسى احقق احلامى نفسى اكون شىء تانى
نفسى اطير فى ايامى واشوف الدنيا كلها قدامى
لو كان لقلبك حبيب تانى قولي ابطل احلامى
انا عمرى ما كان قلبى انانى وخصوصا لحبيب ايامى
هفرح وهجرى عليكى وهوصلك للبر التانى
سيبك من كل كلامى لو فعلا لسة حاسة بأخوية
رغم ان الكلمة اسيه وجارحة لقلبى وعينية
بحلف بأغلى ما ليا عمرى ما هاجرى على الميه بسبب الحب والانانية
هرجع واشوف طريق تانى وامرى لله فى نصيبى
وعمرى ما هكتب كلام تانى يدل على احساس فيا
قوليها كلمة وارسميها علشان اشوفها بعنية
لكن قبل ما تكتبيها لازم تعرفى ان حبك مزروع فيا
رحلة سفرى طويلة وشكلى هفضل وحديا
لكنى مش فارقة معايا غير سعادتك وحياتك
ده كل املى هو رضاكى واشوف سعادتك فى عينيه
قوليها كلمة واعرفى ان الكلام مش كله مكتوب على ميه
أنا سافرت كتير ومتعود على السفر وحديا
ادخل ودوس ليك وشاركنا برأيك فى بيدج أحلام على الوريق
https://www.facebook.com/5oater
تعليقات
إرسال تعليق