شكوى ألاحوال

بشكى لحالى وحالى بيشكينى

وتعمل ايه اى دموع نازلة من عينى

شايف حواليا قلوب تيهانة

بستغرب لحالى وبقول كفاية كده خسارة

مش لوحدى الحيران ولا انا وحدى الهيمان

بشوف الحبايب بيشكو وبقول حالى احسن من كل الاحوال

مش كله بيحب ومش كله بينول رضى الاحباب

متعود على الفراق ومتعود على حال ملوش اسباب

كتير فاتونى ولسة يا ما هنشوف من دنيا مفهاش غير احزان

بشكى لحالى ويا ترى مين الى هيدلنى على العنوان

عنوان فيه سعادتى وفرح وبيه تتفتحلى كل الابوب

بشكى لحالى وحالى بيشكينى وبيقول كفاية بعاد

بعدت كل الاحلام ومفيش غير حلم بيه تبتدى رحلة انسان

انسان مش فارق معاه حاجة غير انه يوصل لنجم الليل السهران

واقف تحت القمر بيتخيل ليلة كنت مستنيها من ليالى زمان

حالى بيشكينى وبيقولى لامتى هنفضل فى حيرة الاحوال

بشكى لحالى وحالى بيشكينى وبيقولى كفاية فراق

واعمل ايه انا فى حال الفراق مكنش بأيدى ولا بأيد الايام

حالى غريب وفيه بقيت انسان غريب الاحوال

مين انا ومين عايشلى انا ولمين احلم انا

فى لحظة احلامى كلها اتبخرت وبقى حالها كله اوهام

اعمل ايه فى احوال احلامى الى فيها القلب بقى محتار

يبعد ولا يقرب وخايف لتكون النهاية كلها ضباب

بشكى لحالى وحالى بيشكينى واعمل ايه يا دنيا الاحوال

احوالك كتيرة وكلها مليانة اه وحزن على مر السنوات

امتى هترسينا على برالاحباب وامتى هتكونى معانا وتفسري كل الاسباب

وتعرفنى ايه معنى كلمة شكوى احوال