توهنا خلاص !!!

توهنا وتاهت ايامنا ... وضلت عنا احلامنا

غربة كتير واتغربنا ... جرح خطير منه شربنا

يا ما قسينا لوحدينا ... ولا حد بيبكى علينا

توهنا وتاهت احبابنا ... ضلو وموتو افراحنا

مش بأديهم بأدينا ... احنا الى رسمنا كلامنا

عبرنا ومنه كتبنا ... وغنينا كل الى فى بالنا

توهنا وتاهت ارواحنا ... واتبقينا احنا لروحنا

ومشينا سكتنا بنبكى ... وبكانا ما يريحنا

وكتمنة الاهه فى قلوبنا ... وقلوبنا فيها عذابنا

مين تانى هيسمع صوتنا ... او حتى هيقرا كلامنا

ما كلامنا منه عانينا ... ولا حتى منه وصلنا

توهنا خلاص واتغيرنا ... ولا بيحس بينا غيرنا

كله خلاص شافله طريقه ... نسيو ان احنا الى فرشنا

وزرعنا بإدينا طريقهم ... وحلمنا نبقى امانهم

تاهو خلاص من بعدينا ... نسيو خلاص كل امالنا

مين تانى هيجرح فينا ... ما خلاص ماتت احاسيسنا

توهنا خلاص واتغيرنا ... ولا عارفين نقرا شعورنا

مين تانى الى هيندهنا ... علشان بقى منبوح صوتنا

وكتمنا خلاص اوجاعنا ... علشان منا نريحهم

توهنا وتاهت ايامنا ... واتغيرنا لا قلوبنا