بدايتنا خمسة وعشرين !!!

ثارو وقامو عليهم ... قتلوهم من غير تبرير
****
كان بيشكو بصوتهم ... وسط ميدان التحرير
****
وكلامهم مش عاجب ... علشان خايفين مـ التغير
****
اتعودنا نطاطى دايما ... نفضل تحت مش عاليين
****
شتموا وقالو عيال ... عايزة الضرب بالخراطيم
****
نسيو اصحاب يوم ... الخامس والعشرين
****
قتلو كتير علشان ... احنا فضلنا ساكتين
****
ضربو ضهورنا وقتلو ... شباب بيهم مفتخرين
****
مش مكسوف انك ساكت ... راضى بالظالمين
****
تيجى على الى اتهانو ... هما دول مش بنى ادمين
****
فوقو يا اهل بلدى ... فى كرامتنا متساهلين
****
مين هيساعد مين ... واحنا فى بيتنا مغمضين
****
ده الساكت على الحق شيطان ... واحنا غلبنا الشياطين
****
ثورة مين يا كبار ...ده احنا فى نعمة مش حاسين
****
لازم صوتنا يهز الكون ... نضرب بيه الحرميين
****
اذا كنا سكتنا فى الماضى ... واتهنا وبنقول يا رحيم
****
ربك طالب منك صوتك ... علشان صوتك هو امين
****
ليه بتلوم وانت بتتكلم ... روحتم فين يا مواطنين
****
ديه شبابنا بتتألم لينا ... بدل اللوم نبقى ناصريين
****
وقت الغدر بيجرح فينا ... امتى امال هنكون فايقين
****
ديه الساعة بفلوس يا جماعة ... وعدى كتير من غير تغير
****
الحالة ديه زى ما هى ... وهنفضل على طول شاقيين
****
ده مصيرنا فى ايدنا وخلافنا ... بيفرح فينا عدويين
****
فيها ايه لما نقول اوجاعنا ... ولا هنفضل كده نايمين
****
صوتنا سلاحنا ... وسلاحهم اننا كاتمين
****
يلا يا بلدى شبابك جنة ... ومش هيكونو تانى خايفين
****
بدل اللوم لازم ... نقتل جوانا خوف الملايين
****
دوقنا الاهة وفينا مرارة ... لازم تنشال بالسكاكين
****
ثورتنا ديه ثورة قوية ... ربى يوفق البادئين
****
فيهم شمعة تنور لينا ... كل طريق فيه مش شايفين
****
ديه الثورة لسة فى الاول ... اولها خمسة وعشرين