نوم اهل الكهف !!!
نايم نومة اهل الكهف
ومش ناوى انى اقوم منها
مستنى أما يحين الوقت
علشان ادور على غيرها
بطلت أنى ارجع واتشد
وادوب واسرح فيها واتهد
واشتاق واحنلها بجد
ابداً هى ولا غيرها
دلوقتى بحس انى انا عايش
روحى بترقص قلبى انا فايق
مش عارف كان ايه اللى عامينى
بس خلاص فوقت انا فى سنينى
وعرفت معانى ترسينى
على بر امين ما يقسينى
مش هرجع أدور من تانى
على واحد يجرح وانانى
انا كده كده كسبان من نومى
وهصحى انا لما يحين لى اوانى
نايم نومه اهل الكهف
ومش ناوى انى اقوم منها
ولا هضرب كف انا على كف
ولا حتى ارجع اغنلها
انا دلوقتى بموت مـ الفرح
علشان سبتها لضمرها
ولا تحلم ارجعلها تانى
ولو نشرتلى مشاعرها
مش هرجع أدور من تانى
ايوه يا قلبى نام وانسانى
مش هوديك فى بحور احزانى
وهغير جواك احلامى
نايم نومه اهل الكهف
ومش ناوى انى اقوم منها
مستنى اما يحين الوقت
لما الاقى حبيب غيرها
تعليقات
إرسال تعليق