نفس الوشوش !!!
هما هما نفس الوشوش
قولنا خلصوا وماخلصوش
رجعوا تانى بوش بشوش
وخدعو بشعارهم الوشوش
عملوا زى عفريت فانوس
طلع وقال حلق وحوش
شبيك ولبيك هجيب فلوس
انا اللى ذى ملهوش وجود
انا اللى طالع من التابوت
هخلى بلدكم تكون عروس
بس اوعى عنى كل الوحوش
زرع بفكره فكرة شيطان
ان الشريف هو الجبان
وان اللى شارى ضعيف كمان
وهو اكتر واحد خبير
وقال كان فى عصره ملك امير
من غيره هنموت من الجفاف
خلى العقول معاه تغيب
اخد بسحره شعبى الاصيل
عشش فى خوفهم بشىء مريب
ان اللى جى ممكن يغيب
ونسى زمان بعد اللى كان
انه اوطاش ما هوش ملاك
بيحركوه فى اى طريق
يبقى إليهم اطواق نجاه
بيعيدو ذكر تاريخ زمان
والناس فى جهل وخيبة وندام
عموا عيونهم عن الحقيقة
ان وشوشهم ملهاش آمان
هى هى نفس الوشوش
ونعيد ونقرأ كل القاموس
ان بلدنا فى ايدهم مذاد
يبيعوا فيها ما يقولوا كام
وزى ما تجيب هتجيبه كام
لو كنتو عايزين النيل خدوه
وهاتو حبة فلوس كتير
يحشى جيوبه ويعيش امير
اصل الامير فى زمانه ده
هو اللى ياكل مال اليتيم
يقتل ويدبح اهله فى نيل
هما هما نفس الوشوش
انا جوه قلبى خوفى ماهول
فى إن وطنى نفسه فى غول
نفسى يفوقوا يقروا الدليل
ان الوطن دمه اصيل
وان الخسيس لازماً فى يوم
نبتر ايديه ويبقى عبرة
فى كتب التاريخ
نفس الوشوش ما بيرحموش
وقال عشان نحمى الوطن
نفضل إليهم غنم جاموس
يا اهل بلدى فوقو وشوفوا
وحسوا قلبه هتحسوا خوفوا
هو الجبان هيبان آوام
وقت الحقيقة ما تهد صوته
انتم ساعدتم فى الظلم لينا
عشان كتمتم عنا الحقيقة
ليه كل ما نقول نعيش كرام
تقولوا لا تهشوا الحمام
والله هى نفس الوشوش
انتم خلاص ما بتشوفوش
هفضل اذيد واعيد واقول
ياريت تحسوه وتفهموه
بأن هما نفس العقول
هما هما نفس الوشوش
تعليقات
إرسال تعليق