حلم الوطن
ببكى وجوه القلب نار تغلى
ودمعى بيسيل الميه فوق جفنى
حاسس بفرقة وحاجة كسرانى
وطنى ضعيف وبصوته نادانى
نفسه نلم الشمل من تانى
نرمى الخسيس فى السجن ويعانى
ايه اللى صاب عقلى وصاب فكرى
لما بشوف الحسرة فى اهلى
غاب عن عيونهم اللى ظالمنى
واختاروا انسان جى يقاتلنى
طفالى نور عينى اللى فى الننى
موت لى حلمى وضيعوا منى
وبقيت حزين والجرح المنى
نفسى اقول واصرخ بصوت عالى
واكسر بأيدى الظلم ده عارى
طب اعمل ايه لو كنت انا وحدى
والكل بيعادى وبقى ضدى
غابت حقيقة عن عيون خلى
ان اللى ظالم مش مأمنلى
اذاى أمن له واعيد ذلى
الصورة باينة ليكو ملامحها
ضيعتوا ليه بأيدكوا جمال روحها ؟
مليون سؤال انا نفسى اسئلهم
ليه فى اللى فات خوفتوا بسكوتكم؟
واما الشباب جالكوا فوقكم
قولتوا عيال دمروا بيوتكم
مين اللى خان فوقوا عقولكم
مكر التعالب ليه بيخدعكم ؟
عودتوا ليه روحكم
تنخوا للى كان باعكم
عامل حجاب ليكم وكحلكم
ايه اللى هاخده لما اقول لا
او حتى اه ماهى هي ولا فارقة
جوايا خوف تبقى البلد غارقة
مدوا ايديكم عومو المركب
الظهر عدى لسة للمغرب
الوقت لسة فى ايدى واديكم
جوايا وطنية اكيد فيكم
دور تلاقى الحل مش مضلع
والله خايف ابقى مش مقنع
حاول تنام تحلم بمستقبل
فيه اللى عاقل مش اللى كان اهبل
يبقى الوطن فيه حقه مستعمل
والظلم متفتت وفى المعمل
خوفى ماهول بس انا بحلم
ان اللى جى يبقى فيه الأجمل
تعليقات
إرسال تعليق