نفسى الزمان !!!

زمان والله زمان نفسى الزمان يرجع اوام

علشان اعيد الذكريات وامحى الام عمرى الى فات

لو كنت ببعد عن عنيك علشان مشوفش القسوة فيك

ده ياما جرحنى السكوت والغيرة نار ملهاش حدود

ولا يوم عرفت الحب فين وجريت اوام ويا العوام

ما سئلت حتى انا كنت فين ولا يوم عرفت انا قلبى مين

لو كنت خايف م الحنين اجرح وذود فى الانين

مبقتش قادر اقول جراح ولا حتى بيعود الى راح

كل الامال موتها وبأيدك انت حرقتها

بقت بدور فى الحياة على صدق حبى فى الوفاء

ما لقيت غير القلب الى داب ومات خلاص اول ما فاق

انا نفسى ارجع بالزمان واعيد حسابى معاك اوام

لو كنت عارف ايه الى جى ما كنت قولت فيك كلام

ولا حتى كنت رسمتها ولا حتى غنتلك زمان

كتير بقول هنساك اوام ارجع واضيع ويا الزحام

ووقت ما اسمع لى نداك ساعة فى فرح وسنين عذاب

اكيد انا كنت السبب علشان بعيش على لقاك

رغم القسية والجراح بحس وياك بالامان

ووقت ما المح صورتك انت فى المنام

بقول حنين وبقول حبيب لا بقول وداع

صدقنى كنت فى دنيتى اجمل ملاك

لكن وجودى فى دنيتك بقى لى هلاك

لو كنت يوم غالى عليك قربنى ليك او ابتعد

علشان فى حيرتى بعيش جحيم وفى غيرتى ليك انا بحترق

نفسى الزمان يرجع اوام