حنين القلب !!!

بحن إليه وانادى عليه

وهو بعيد وما بيسألش

بكون حيران وانا هيمان

وخايف ابقى ما بحلمش

بفكر فيه وقلبى شاريه

وعينى بسببه ما بتنمش

ليلاتى بقول وبحلم

انى اكون فى القلب

عايش قلقان اكون هيمان

بحلمى خيالى ما يكملش

انا حبيت ناديت ما لقيت

لكن انا قلبى ما بييأسش

كتبت كتير وخوفت كتير

اكون بكتب ولا يتشفش

وبهمس ليه ونفسى الاقيه

يمدى ايديه ولا يبخلش

بحن إليه وانادى عليه

ونفسى اكون انا فى عنيه

لكن انا شكلى مش قديه

وقلبه كتير عليا ماليه

بحبه ولو ناسينى بجد

بحن إليه وانادى عليه

وهو بعيد وما بيسألش