عارف ليه انا بحبك !!!

لما حبيتك زمان وسألتى ليه بتحبنى

مقدرت اجاوب على السؤال

علشان جوابه بيهزنى

كنت الحقيقة اللى فـ حياتى بتبدى

وكنت لما بشوف عنيكى بنحنى

علشان بخاف انا من عيونك تهدنى

عارفة ليه انا كنت ببعد لبعيد

علشان بخاف احس انى بخون صديق

كان كل حلمى اكون صريح معاه واقول

بس انتى عمرك ما اديتنى فرصة يوم

كل لما اقرب تبعدينى بخوف ماهول

كنت بحاول اقوى فيكى الامان

خليتى قلبى يعانى ولا عارف ينام

ولا كان فى بالى انى الف ولا ادور

انا كنت نفسى اخش بيتك بالزهور

واقول لاهلك انى امد ايديا ليك

واهديكى خاتم وان تهدينى الحياة

ونبنى اسرة عظيمة فيها الجمال

ان كنت بحلم بالخيال مش المحال

لكنى فقت لقيتنى واقف فى الغيوم

الماضى ميت والى جى ملوش وجود

حسيت كأن الروح بتطلع منى فوق

عايزة تسبنى عشان فشلت اكون معاك

عرفتى ليه حبيتك انت يا ملاك

اقرئى كلامى وافهمينى من سكات

علشان خلاص القلب مل كانه مات

وبأيدك انتى تحيى كل الذكريات

وتحسسنى انى عمرى ما عمره فات

عرفتى ليه انا لسة شارى ومش ببيع

علشان فى طيبتى عمرى ابدا ما هضيع