اخر كلامى !!!

هقسى على نفسى واحاول انساكى

رغم ان كان املى يتحقق لى دعائى

هرحل من الماضى واهرب من الحاضر
ولا اشوفك قدامى

ولو كنت يوم صدفة شوفتك فى احلامى
اوعاكى تنادينى

هختم كتاب عمرى وانهيلى اشعارى
وكلامى ده نهائى

طفيتى موهبتى ورميتى ابياتى خلاص
اخر كلمة هكتبها فى رواياتى

لو كنت ببعدكى علشان ما عذبكى
من تانى فى كلماتى

حاولت ما اكتبشى وفشلت ما اقولشى
وفضحت لى ذاتى

كت كل اغانيا لما بألفها تنزل اساميكى
بالغصب فى ابياتى

سامحينى يا عمرى لو كنت بشتاقلك
ده انا من زمان فاكرك املى وامالى

نسيتينى بالساهل الغازك كت شعلة
بتدمر احساسى

حبيتى من غيرى فرحان انا ليكى حتى
ولو جرحى ما يداوى بالساهل

لو شوفتنى بغنى وفى صوتى بان حزنى
ببعتلك اشواقى

همنعنى من نفسى لو حتى منعتنى هكتب
على الحيطة ولا مرة هبعتلك

عارفة طريق ليا ومفاتيحى فى ايديكى
لو كنتى باقية عليا ابقى اسلكى طريقى

مش هنسا يا عمرى وهبعد عن عنيكى
علشان لما اتألم ما يوصلش ليكى

كت كل كلماتى بتريح احساسى وكت لى مظلة
بشكى فيها اهاتى

لكنى مش هكتب علشان معذبشى انسانة كت
غالية وفى قلبى وعنية

اياكى تكونى فاكرة انى عليكى قاسى
انا بقسى على قلبى علشان ينساكى

طيرى يا طير فى السما لو عشى كان دائى
انا حالى فى الزمن انى اكون شاقى

انا راضى بنصيبى واحمد عليه ربى
وهفضل ادعيلك بالراحة والجنة

انا ليا مولاى هيفصل فى امرى وهفضل
ادعيله ينولنى من صبرى

اياكى تنسينى تنسى الى كان مرة حاول يفك
قيود اميرة فى حصونها

مخجلش من نفسى حاولت ما اخسركى
معركتى كت قدرى ونصيبى مفرحشى

عمرى ما استسلمت لاحلام فى خيالى
بس انت بالاخص جوه قلبى غالى

وقرارك احترمه واستسلم انا لنفسى
وارفعلك قبعتى وارحل انا وحدى

هحاول ما اكتبشى واحفظ ولا اقولشى
علشان ما اجرحشى اميرة فى قلبى

سلامى ده نهايتى وكلامى ده شعرى
هيفضل من الماضى وهيبنى مستقبل

رغم انه كان وهمى لسة فى قلبى امانى وهعيش بأحزانى
واستنى يوم ما ارجع للبيت واللاقى

هقفل بأيدى صفحة بحلم تكونلى تانى
لو شوفتنى ببعد علشان ترتاحى

لو كنت يوم باحزن انا متعود على احزانى

سلام يا عمرى سلام يا عمرى يالى بنيتى املى
وهديته فى ثوانى

سأمتنع عن الكتابة من الان ليست رغبتى ولكنها رغبة من له فضل على و منحنى موهبة الابيات لا استطيع ان اكون سببا فى جرحه ولا فراق الاحباب