يشهد عليك ربى !!!

يالى انت وانت بعيد بندوب فى احلامك

ماشى بتجرى بعيد بتبيع ليه احبابك

ده انت الى لينا طبيب من كل داء قاسى

وانت الى قلبك لينا نبع حنان دافى

بستنى ليلة رجوعك بصبر ولا بترجع

صبرى نفد منى والحيرة ديه بتوجع

بشتاق للمس ايديك واشتاق لنظراتك

لما بتيجى عيونك فى عنيا انا بخجل

حاسس بحاجة غريبة لما بكون جمبك

لما بتبعد عنى الفرقة ليا بتدبح

لو راضى بنصيبك مقدرش انى الومك

لكن انا نصيبك واسئل ربى وربك

هيقولك انى اخترتك واكيد ليا هيشهد

لانى بدعيله واسهر وبشكيله

ودموعى فى عنيا بسهر انا وهى

لو ناسى يوم ليا اسئل لياليا

واسئل نجوم ليلك دى هى حاسة بيا

حتى السحاب فوقك يشهد عليك وعليا

مقدرش انى ارجع غير لما ترمشلى

واحس بحنينك لقلبى وليا

هفضل انا مستنى وبصوتى هفضل اغنى

وبقلمى انا هكتبلك وفى سهرى هبقى اقولك

انك حبيب قلبى وبطلة قصتى ديه