لأمتى يا نور العين !!!

لأمتى هنفضل كده فى فراق
انا ليكى من المساجين ... وفى أديكى مفاتيحى
انا بحلم تحنيلى ... تحنى لقلب شاريكى
تضميه جوه احضانك ... تنسيه كل احزانه
تكونى ليه من افراحه ... وتبنى معاه بكفاحه
انا ليكى يا نور العين ... وهبتك قلبى من سنين
انا مش ندمان على حبك ... انا فداكى فى حبك اموت
واعيش فرحان وانا ببكى ... عشان قلبى يساعى الكون
لامتى يا قلبى نبقى بعيد
ده انا ليكى يا اغلى حبيب ... بحبك حب فيه ضعفى
وبستسلم وانا فى وعى ... عشان جمبك حاسس بأمان
بعدتى عنى سبتينى ... واملى لسة فى عيونى
عذاب قلبى معاكى يهون ... جراحى انتى تداويها
راضى بدموعى على حظى ... وفى قربك انا ببكى
عشان فرحى اكون جمبك ... يا كل ايمانى فى قلبى
فهمتى ولا ما فهمتى ... انا بضحى عشان فرحك
لأمتى يا قلبى تهجرنى
سافرنا ياما ومشينا ... وحبك لسة فى عنينا
مضللنا مواسينا ... فارش لينا ورود زينة
رسم رسمة فى احلامنا ... وصورتك جوه فى قلوبنا
نادر انى افرحكى ... ولا يوم انى ابكيكى
عشان انا قلبى شاريكى ... ولا يقدر على حزنك
بحبك يالى ناسيانى ... وحبى كل امالى
بمنى نفسى بلقاكى ... وبدعى ربى ما انساكى
لأمتى يا قلبى فاكرها
لحد ما ارحل عن الدنيا ... وابقى قريب من الاخرة
لكنى بدعى مولايا ... يقربنا فى جنتنا
تعيش فى الاخرة ويايا ... وفى الدنيا يفرحها
نصيبى شايفه وياكى ... وانتى شايفه ايه تانى
عايز ما احس بخوفك انا ضهرك ... انا فارس لاحلامك
هجيلك لو امرتنى ... انا امرك على راسى
انا مش عاجز فى حبك ... انا عاجز بجافاكى
لأمتى هنفضل فى شوقنا
لحد ما يقرا الى فى عنينا ... ويرجع لينا وفى ادينا
ينادى علينا بأسامينا ... ويفرح لما يلاقينا
ده شوقنا ده فى قلوبنا ... بنرعاه حتى فى سكوتنا
حاولت اوصف مدى حبى ... لقيت حبى ملوش وصفة
عشان انا لما بشوفك ... تطير الكلمة من جوفى
نفسى انى اصارحك ... ومليون حاجة منعانى
لامتى يا قلبى تهجرنى ... كفاية بعاد يا اسرنى
حبيبك الى يدعيلك ... ومهما بتبعد يناديلك
ووقت القرب يتلجمم ... ولا يقدر يقول كلمة
عشان الحب فى قلبه ... ونفسه فى يوم يعبرلك
ويحكيلك يفضفضلك ... وتسمع كل كتمانه
انا مستنى يوم لينا ... تقرب فيه امانينا
وتتحقق بأيادينا ... ونعيش مع بعض ليالينا
لأمتى يا حبى هنبقى بعيد ... انا حلمى بسيط ونزيه
وبحلملك وبدعى ليك