يا زمان رسينى !!!

رسينى يا زمان رسينى ... ودتنى للى بيرمينى

تهجرنى وتدمع عينى ... واطلبها ولا بتداوينى

وجروحى ما بتغلى عليها ... انا مجروح من رمش عنيها

وبحبها مخجلش اقولها ... وبعزها اكتر من غيرها

اعمل ايه تانى يا زمانى ... فكرت انى ارجع من تانى

خوفت كرامتى تبقى مداسى ... واتعذب فى كل احساسى

رسينى ولا يوم تجرحنى ... ريحنى وابعتلها فرحى

اسعدها حتى مع غيرى ... انا قلبى مفهوش انانية

بدعلها وفى دمع عنيا ... وانا بدعى انها يوم ترجع ليا

انا من غيرها واحد تانى ... وبحس انا ميت وحدانى

لا بتسئل ولا حتى بتنده ... وانا عمال اصرخ وبتسمع

وسكوتى له الف معانى ... وكلامى فيه كل شعورى

بوصفها على قد ما اقدر ... بشكلها قلبى بيتعصر

وبنادى وبأعلى الصوت ... ونداى مكتوم الصوت

انا بحلم انى اكون جمبك ... وفرحنا لما امسك ايدك

واهديكى خاتم لحياتنا ... وتهدينى افراح لياليا

واغنى فى ليلة فرحتنا ... وتسمعى كل كلامى بصوتى

بهديكى اجمل كلماتى ... وببعتلك مليون اغنية

فيها شعورى بحبك انتى ... فيها رسالة ليكى يا حبى

اقرى كلامى وسمعى قلبك ... جايز القلب يحن لقربى

انا حلمى مش حلم محال ... انا بتمنى وفيا امال

انا مش موهم انى بحبك ... عدى سنين والصبر صديقى

بستحمل علشان ارضيكى ... وبخطط لعبور اراضيكى

انا عارف انك مع غيرى ... لكن قلبى بيحلم بيكى

مش ممنوع انى احلم بيكى ... وكفاية عليا اسمع اسمك

واسمع عنك كل الخير ... عارفة حبيبتى ليه انا مصمم

ولا بستسلم رغم عنادك ... علشان وقت ما قلبى انا حبك

متعلمش يحب فى غيرك ... اتعلم درس اسمه وفاء

فيه الاخلاص و الاحساس ... واتعلم ازاى يكتبلك

واتفنن الوصف فى قلبك ... علشان قلبه بيرسم صورتك

رسينى يا زمان رسينى ... وعلى الفرحة اجرى وودينى

نسينى الماضى المشؤم ... وساعدنى ارسى على بر