كنتى وكانت !!!

كنتى وكانت بينا ليالى طويلة

كنتى فى قلبى وكنتى فى بالى اميرة

كنت بقول للعقل انا مالى ايه الى جرالى

ما انا قبليك كان قلبى انا خالى

كانت الفرحة بتدخل قلبى لما بشوفك

كنت انا بحلم انك يوم تنادينى بصوتك

عشت ليالى طويلة بعشم نفسى اشوفك

وقت ما جيتى وشوفتك صدفة قولت انا بحلم

وما صدقت عنيا وكنت بحس انى انا بتوهم

واما بعدتى بعيد من تانى سالت عينى

بدموع حزن عشان ما لحقت اقرب ليكى

حسيستينى بأمل انا شوفته جوه عنيكى

واما نديتك جيتى بسرعة وبان فى كسوفك

كنت بحس فى كل كلامك بتحبينى

حتى فى اخر كلمة قرتها عشمتينى

لكن الخوف اتملك منك وقتلتينى

مقدرتيش تتخلى عن الى ما كان بيعينك

انا حاسس مليون المية بتمثلى علشان تنسينى

ومجاش ابدا جوه فى بالى انك انتى فى يوم تبيعينى

كنتى وكانت بينا حكاوى فى كل سنينى

والكلمات تشهد على حبى وكل حنينى

ليه ما قربتى ولا حاولتى تكوينى معينى

فاكره انى انتى لما هتنسى هتنسينى

لا يا حبيبتى انا لو هنسى كنت زمان موت حنينى

انا مقدرش اقولك حاجة غير ان انتى كفنتينى

ولا حتى حضرتى الدفنة وسبتينى لوحدى فى انينى

علشان كده يا حبيبتى بقولك كنتى وكانت !!!

خلاص انسينى