مركب غنية !!!

رايح مع الريح العتية

فى مركب البحر القوية

شراعى مفرود فى الهوا

بوجهه للى فى عنيا

نفسى اوصله تحية

واهديه كمان الى فى ايديا

بقول ده حاسس بالى بيا

لكنه ناسى انه ليا

ماشى فى طريقى مش ممانع

راضى بضيقى فى مر حالى

علشان ما حس بانانية

لو مركبى على قد حالى

ومش مقامه ده فقر مالى

وكنز ليا مقدرش ادارى

مكتش عيبة ده فخر ليا

ديه مركب الصيد العفية

تعبر بحور ترسى فى موانى

تبنى قصور تصبح غنية

عشان بتسعى معايا هى

ومهما طالت رحلتى

وتوهت توهة فى غربتى

هتفضل المركب قوية

شايله معايا القسية

شاقية ولا ف يوم جت عليا

طريقنا واحد فى السعيه

ليوم نقابل فيه المنيه

هتكون نهاية رحلتى

ورحلة الصيد الشجية