طال الفراق !!!

طال الفراق ونسيت انا كل العناء

بدارى ليه جرح الفؤاد

ببكى وبضحك فى المساء

حالى غريب من غير خفاء

بشكى وادور على الدواء

مين الطبيب ومين البلاء

عايش على املى فى لقاه

لكن كرامتى فوق مداه

بنسى وبرجع لـ هواه

بكتب واقول اجمل غناه

وقلبى من جواه معاه

فكرت اشيله مـ الحياة

لكنى ناسى عذاب جفاه

قولولى قلبى اعمله ايه

حبيت اقوله انسى عنيه

نسينى انا معرفش ليه

عايز يسبنى يروح إليه

فكرت اسيبه يروح معاه

ظلمه وباعه رخيص ما جاه

مقدرش اللوم قلبى عليه

مـ الاول انا عرفته ايه

كان كل شىء جواه داريه

دلوقتى بان لى كل شىء

وقلبى كسره ما هان عليه

رجعلى تانى يقول نسيه

لكنه من جواه شاريه

ليه الامان اديته ليه

وكل شىء حبيته فيه

طلع خداع وجحيم وزيف

ولما باع فارق ما جاش

طال الفراق ما بينا ليه

هو الحنين مكانه فين

انا صبرى طال عليه سنين

رسمت صورته بدون انين

وكتبت اسمه على الحيطان

ونقشتها بريش نعام

وبايده جه مسح الكلام

وسكت انا ونسيت اوام

ورجعت اديله الامان

ومهما طال بنا الفراق

فى قلبى ليه كل الوفاء

ده حب ولا كتير غباء

طال الفراق ونسيت انا كل العناء

ورجعت تانى بقول غناه

طال الفراق