دايرة وبتصيب الكل !!!

أهى دايرة وبتصيب الكل

ولا واحد منها هيمر

لازم الكل يدوق المر

هى كده الايام بتمر

هنعيش فيها نقول ما خلاص

وهتخدعنا بدون إخلاص

ونصدقها بكل حماس

وفى ساعة غفلتنا هتيجى

وتولع كبريت فى الجاز

وهتحرق كل الاحلام

وترجعنا كتير لزمان

وتحسسنا بالهزيان

وتعيشنا فى الاحزان

وتدوقنا كاسات حرمان

وتيجى علينا بدون إعلام

وبتزرع فى قلوبنا سهام

وبتجرح فينا بإمعان

بتعلمنا كتير احكام

ان الدنيا ما ليها امان

ولا نستهون بألايام

نحلم بيها فى كل منام

ووقت ما نصحى نقول اوهام

هى كده الاحلام بتبان

فوق مـ النوم بلليل هتنام