حب مع سبق الإصرار

ياوردة عطرها زاهى
ونجمة بعيدة بتلالى
ولما الليل اشوف نوره
بقول ان القمر جالى
بعلو صوتى بندهله
وبستنى لكنه ما دارى بسؤالى
سؤالى بسيط وله معنى
بيوصف ليها عن حالى
وبتألم وبتكلم وكل كلمة ليها معنى
وشايل حملى على ضهرى
ومالى الشعر انا شوالى
وماشى بيه بقول لله
ديه حسنة حب ليها ميزان
وبمد ايديا للغالى
يا ترضى عنى بالاحسان
وتقبل طلبى طوالى
يا هفضل اغنى بالمجان
واقول فى الشعر انا غلبان
وشعرى كل اموالى
يا تقبل منى الالحان
واحس ان نصيبى جالى
يا ترمينى انا فى لومان
واموت فى السجن انا لحالى
وتبقى تهمتى للعلم
بحب ملاك ساكن بالى
فمش هرضى فى يوم انساك
لحد ما اموت انا شارى
وحبى ليكى متعمد
جزاء الحب اعدامى
ولو نفسك بأنى ابعد
فادعى المولى بأغتيالى
بدونك رافض انى اعيش
ولو موتى يكون سعدك
هحاول انى اموت تانى
جزاء حبى عشان عمداً
جزائه هو اعدامى

ادخل ودوس ليك وشاركنا برأيك فى  بيدج أحلام على الوريق 

https://www.facebook.com/5oater