تخاريف قلم

جرب تفركش الورق
وتخبى جواه الدموع
هتلاقى شيئ من العجب
ان الورق فيه الظنون
اسحب فى ثانية من الورق
ورقة ما تعرف ايه تكون
هتلاقى ان المشكلة
كل الورق مليان جنون
مرة هيظهر بسمتك
وتحس انه كان حنون
ومره تشوف فيه حسرتك
متشكلة فى ورقة فنون
هى الحياة دايما كده
كوتشينة فيها ميت لون
مرة تصيب مرة تخيب
وتلاقى حظ فى كل يوم
يأس وامل فى المعجنة
يندمجو مع بعض بشجون
والزهر لما تكون رميه
مره دوهات وشيش ملك
تتقدم الخطوة بقرون
مرة يكون احاد ويك
تكعبلك ومالكش قوم
صدقنى اصل المشكلة
ان الحياة حظك اليوم
شوف كام نتيجة متعلقة
مكتوب فى اخرها هموم
مكتوب حكم وموعظة
مكتوب تفائل للعيون
لو كل صبح مشيت عليها
هتخش تانى تقول يا نوم
جرب تفكركش الورق
جايز فى مرة هيجى جون

ادخل ودوس ليك وشاركنا برأيك فى  بيدج أحلام على الوريق 

https://www.facebook.com/5oater