الإقرار بالحب

وبقالى اكتر من ساعة محتار
عمل ادور على كلمات جوه الاشعار
اوصف بيها واغنيها بدون اعذار
لكن حيرتى ان كلامى عليه انذار
اما الطرد اما السحل اما النار
خايف يبقى ملوش ولا معنى
ويكون تعبى عليه العار
عاوز اقول كل اللى فى قلبى
ايوه بحبك ده كان ذنبى
مش ندمان قلبى اللى اختار
هفضل اهاتى وانادى واغنى
وهحاول اقربك منى
حتى لو صبرى عليك طال
وبكل ما املك هحميكى
وفى عينى هشيلك واراعيكى
وبأذن المولى ههنيكى
وهنبنى مع بعض الدار
اللى هيبقى سكنا وعشنا
وتبان فيه كل ملامحنا
وكل حيطان البيت تحواطنا
ويبقى البيت هو سفينتنا
علشان فيه تبدأ رحلتنا
ونجوب بيه كل الانهار
انا مستنى اللحظة الجاية
لما اشوف منك ودية
وعندى ايمان انك يوم ليا
وبدأتى تحسى بأغانيا
واطمنتى وقفلتى باب الإعصار
واكيد بتقولى ده مكار
لا والله انا مش مكار
ممكن اكون فى الحب حمار
لكن كل مشاعرى حقيقة مش بهزار
مهما سكاتك يفضل بنا
صامتك ده هو اللى شاغلنا
وهيجى اليوم واسمع صوتك
وتنادى قلبى تقولى موافقة
انا فكرت وخدت قرار
ايوه موافقة بكل ارادتى
تبقى نصيبى وتسكن قلبى
وتلبسنى الدبلة وخاتمى
ومع بعض يتم المشوار
ايوه بقولها بكامل وعيى
انا فكرت وخدت قرار
ايوه موافقة وده الإقرار

ادخل ودوس ليك وشاركنا برأيك فى  بيدج أحلام على الوريق 

https://www.facebook.com/5oater