رؤية مشوشة
ومكنش فى نية خداع
كان ذنبه فعلا حبها
فعلا حقيقى قبلها
لف ودار
سرق الزمن اجمل لياليه
والحزن قرب يغلبه
قاوم بأيده كل شيئ
رسم الطريق
فتح عيونه وكان برئ
اتعلم الدرس اوام
قفل البيبان لكل شيئ
وكان فى صدمة زيها
ايه اللى كان
الدنيا ماشية وده الزمان
واقفة الحياة ليه عـ اللى فات
حتى اللى فات
كل اللى فات
بأيديه قتلها وهدها
قرر يعيش
قرر يوزع فرحته على اللى ليه
قرر يداوى كسرته من اللى فيه
عارف حقيقى اذاى ده حبك
عمرك سئلت وقولتله ؟؟؟
قولت انه كان مغرور كتير !!!
مع انه كان شايفك جميل
حاول يبين علته
حاول يبين هو مين
قالت بصوتها انا عارفة مين
انا شوفت كله فى الودع
ورميته على الأرض وقريت
انا عارفه عنك كل شيئ
سكت الكلام
حاول يبين إهتمام
راح قالها طب عارفه ايه ؟؟ !!
سكتت وراجعت نفسها
ووقتها قرر يعود
ويقولها
انه حقيقى حبها
رغم القسية اللى فيه
كان زيه زيها
خايف كتير من اللى جى
خايف يموت مايكونش حى
خايف يقول ومايلقيش
خايف يقرب منها
والخوف ده كان اكبر غلط
هو اللى صده وصدها
كان كل شيئ بالحساب
كان كل فعل وله جواب
مليان ظنون
زرع المحبة جوا منه بدون شروط
رفض ان حبه لقلبها يوم يموت
خافت وخاف
اوقات كتير من كتر صدمات الحياة
بتكون عيونا مزغللة
والحلم اللى استنناه
بيكون نهايته
بيدنا
ادخل ودوس ليك وشاركنا برأيك فى بيدج أحلام على الورق
تعليقات
إرسال تعليق