البوم صور
الذكريات مصورة كل الوشوش
لناس ما بينا لسة حاضرة
وناس ماجوش
حافظينها فى شوية ورق
لجد مات على السرير
نفس السرير طفل اتولد
لسة الورود الطارحة
ماخلصوش
اضحك عشان الصورة
تطلع حلوة
والصورة فعلا فيها بسمة
لكنها كدبة وفشوش
----------
البوم يأكد اللى فات
البوم بيمضيه اللى جى
والحلم لسة ما انتهاش
الحلم طول الزمن حى
لسة الجدور نابت وراها الف غصن
لسة الغصون ضامة ورود
لسة الورود فيها ميت ضى
-------------
نفس العيون نفس الخصال
نفس الشعور بالإندثار
نفس الغرور نفس المحبة
نفس التجارب والقمار
ورهان بيخسر فيه الجميع
قبل النهاية والإنتصار
-------------
البوم بيحكى عـ الوفاء (1)
البوح بيحكى عـ الجحود (2)
نفس الصور نفس العداء ( 2 )
نفس المحبة والعهود (1)
تكرار سخيف مالى حكايات ( 1 , 2 )
وسناريوا جيد الأداء
نفس الأداء عليك يعود
----------
الذكريات اشباح مطاردة
كل واحد مننا
افعالنا كانت ذنب مخفى
ظهرت نهاية عمرنا
اشباح بتظهر فى المراية
اوقات بتظهر فى الرواية
وبطلها نبتة من نسلنا
--------------
لو كنت زارع بذرة صالحة
او كنت زارع بذرة طالحة
هيكون حصادك يوم بلوغها
هو هو غرستك
اضحك عشان الصورة تطلع حلوة
واحرص يكون اخر محطة
جنتك
-------------------
الذكريات مش بس صورة
على الورق
او ماضى مات وخلاص
راح وانفلت
الذكريات متعادة
للجد اللى مات
مغروسة فى الطفل
اللى لسة بيتولد
-------------------
الذكريات مش بس صورة
على الورق
او ماضى مات وخلاص
راح وانفلت
الذكريات متعادة
للجد اللى مات
مغروسة فى الطفل
اللى لسة بيتولد
تعليقات
إرسال تعليق