زمن الغربة

زمن الغربة طويل فى حياتى

بشكى اهاتى وانا فى سوكاتى

صمتى منعنى اقول حكاياتى

قلمى فضحنى وقال كتاباتى

عدى سنين على جرح فى قلبى

قولت انا بكره هيجى فى صفى

فاتت سنة ورا سنة وانا وحدى

املى الفاضل طار وجرحنى

قولت زمان انى حبيته

علشان يعرف انى هويته

مكنش فى بالى فى يوم هيبعنى

ولا حتى هيجى يوم ويسبنى

قولت هيجى اليوم يستنى

يفتح ليا ابواب الجنة

ذكرى جميلة كانت من الماضى

نفسى اشوفها تانى قصادى

نفسى الماضى يرجع تانى

كل حياتى كنت رسمها

جوه فى قلبى كنت حضنها

لما انا ببكى بتمسح دمعى

ولما احس الفرحة بتفرح

لما احتاج انى اشكى بتسمع

تنصح قلبى وهى بتدمع

حاسة بجرحى قبل ما يطلع

عمرى بيجرى وقلبى ما يدرى

باللى زمانه ليه بيخبى

ماشى مصدق بالأحلام

رغم انه عايش فى الحرمان

راضى بقدرى لكنى مصمم

والتصميم ده اساسى فى طبعى

عمرى ما قولت فى يوم انى ايأس

مش محتاج غير لحظة قوة

اعلم قلبى فيها القسوة

واعرف ان الدنيا ما تسوى

عود يا زمانى بكل احلامى

فرح قلبى ولو لثوانى

بتغرب فى ليالى كويانى

والغربة كاس مر انانى

زمن الغربة خلانى وحدانى

سرق الفرحة وكل احلامى

ادخل ودوس ليك وشاركنا برأيك فى  بيدج أحلام على الوريق 

https://www.facebook.com/5oater